Kiroŭcy fur stajać u čerhach da 12 sutak, kab vyjechać ź Biełarusi ŭ Polšču. A što ź lehkavikami?
Pahladzieli, jak vyhladaje situacyja z čerhami na miežach Biełarusi i ES.
Pa stanie na 14 hadzin 21 listapada, vyjezdu ź Biełarusi čakajuć bolš za 3540 hruzavych aŭto. Na litoŭskim kirunku najbolš napružanaj situacyja vyhladaje ŭ punkcie propusku «Kamienny Łoh», tam u čarzie na vyjezd sabrałasia bolš za 860 hruzavikoŭ. Na polskim kirunku najbolš zahružanym zastajecca punkt propusku «Bierastavica», tam bolš za 650 fur.
Kiroŭca, jaki staŭ u čarhu 8 listapada ŭ «Bierastavicy», raskazaŭ, što ŭ Polšču jon patrapiŭ tolki 20 listapada.
Fota: skrynšot z sajta gpk.gov.by, kałaž «Našaj Nivy»
Na lehkavym kirunku vialikija čerhi nazirajucca tolki ŭ «Bierastavicy», tam vyjezdu čakajuć bolš za 100 mašyn. Bolš za 30 lehkavych aŭto čakajuć vyjezdu ŭ Litvu ŭ puncie propusku «Łoša». U «Katłoŭcy» i «Kamiennym łozie» pa 20 mašyn, u «Pryvałcy» — 10. U punktach propusku «Bieniakoni» i «Vidzy» čerhaŭ niama. Na łatvijskim kirunku taksama biez čerhaŭ.
Fota: skrynšot z sajta gpk.gov.by, kałaž «Našaj Nivy»
Na minułych vychadnych najbolšyja čerhi siarod lehkavikoŭ naziralisia ŭ punkcie propusku «Brest». U pikavyja hadziny tam źbirałasia bolš za 150 mašyn na vyjezd ź Biełarusi.
