Siłaviki zavałodali akaŭntami hurta Tor Band i vydalili ŭsie klipy ź miljonami prahladaŭ
Na aficyjnym jutub-kanale papularnaha rahačoŭskaha hurta Tor Band źnikli ŭsie videaklipy, jakija muzyki raźmiaščali ciaham niekalkich hadoŭ, zaŭvažyŭ homielski sajt «Štodzień».
Ahułam prahlady videa hurtoŭ pieravysili 5 miljonaŭ razoŭ. Imavierna, da jutub-kanała atrymali dostup siłaviki, jakija niekalki dzion tamu zatrymali muzykaŭ Jaŭhiena Burło i Dźmitryja Hałavača. Prynamsi, tak śćviardžajuć znajomyja muzykaŭ.
Siońnia taksama ŭ Respublikanskim śpisie ekstremisckich materyjałaŭ źjaviłasia infarmacyja pra toje, što infarmacyjnaja pradukcyja, sacsietki i łahatyp hurta Tor Band byli pryznany «ekstremisckimi materyjałami».
Voś tak vyhladaje na dadzieny momant aficyjny jutub-kanał hurta Tor Band
A voś tak jašče niadaŭna vyhladała staronka hurta ź miljonami prahladaŭ
Tor Band — aŭtary chitoŭ «My — nie narodziec», «Žyvie», «Baćka».
