BT: «Jeŭrapiejskija stalicy patanajuć u ciemry». Što ž, paprasili našych čytačoŭ źniać svaje harady i vioski
Teleprapahandysty praciahvajuć pužać biełarusaŭ apakaliptyčnymi karcinkami z-za miažy. Hetym razam prapahanda pierabolšvaje maštaby enierhietyčnaha kryzisu ŭ Jeŭropie. My paprasili našych čytačoŭ, jakija žyvuć u Jeŭrasajuzie, dasłać foty svajho horada ci vioski. Dasłanaje ŭražvaje.
Adzin z hałoŭnych naratyvaŭ łukašenkaŭskaj prapahandy ciapier — što Jeŭropa pieražyvaje strašny enierhietyčny kryzis, u jakim, nibyta, sama i vinavataja. Maŭlaŭ, nie treba było ŭvodzić sankcyi suprać Biełarusi i Rasii.
«Kišynioŭ i Talin napiaredadni patanuli ŭ ciemry. Stalicy Małdovy i Estonii abviaścili ab vyklučeńni aśviatleńnia ŭ metach ekanomii», — chvalujecca za žycharoŭ Kišyniova i Talina (a nie Słucka i Biešankovičaŭ) viadučaja BT.
«Kišynioŭ i Talin admovilisia ad načnoha aśviatleńnia. Žycharam davodzicca ŭklučać intuicyju, kab dabracca da patrebnaha adrasu, pakolki ciapier budynki ŭ haradach ledź možna adroźnić. A vulicy aśviatlajuć nie lichtary, a aŭtamabili. Ludzi nazvali heta kancom śvietu», — narakaje STB.
A jak nasamreč u Talinie?
Hetyja paviedamleńni prapahandystaŭ — čystaja manipulacyja. Heta praŭda, što na fonie enierhietyčnaha kryzisu mnohija jeŭrapiejskija harady imknucca skaracić spažyvańnie elektraenierhii, kab skaracić raschody. Ale ekanomiać u pieršuju čarhu na dekaratyŭnym padśviatleńni pomnikaŭ i vitryn začynienych mahazinaŭ — na tym, što nijak nie ŭpłyvaje na biaśpieku i zručnaść dla žycharoŭ.
Navat u režymie ekanomii aśviatleńniu Talina mahli b pazajzdrościć mnohija biełaruskija harady.
U pryvatnaści, u ramkach ekanomii talinskaja meryja vyrašyła, što kaladnaja iluminacyja ŭ horadzie abaviazkova budzie, ale nie da kanca lutaha (jak zvyčajna), a tolki da 15 studzienia.
Fasady niekatorych abjektaŭ i cerkvaŭ nie buduć padśviatlacca z 23:00 da 7:00. Z 01:00 da 05:00 aśviatleńnie buduć vyklučać na zakrytych parkoŭkach, lasnych ściežkach zdaroŭja, aharodžanych hulniavych placoŭkach.
Taksama aśviatleńnia nočču nie budzie na dziciačych placoŭkach, jakimi nočču nie karystajucca. Ale heta buduć nie tyja abjekty, dzie ludzi iduć z punkta A ŭ punkt B.
Na praktycy heta ŭsio vielmi daloka ad prapahandysckich epitetaŭ «patanaje ŭ ciemry». Kudy bolš hety vyraz padychodzić biełaruskim haradam za MKADam.
Voś tak vyhladaje Słuck uvosień. Rajon kala centralnaj balnicy. Piešachodny pierachod!
Fota: Infa-Kurjer
A tak vyhladaje miascovaja «Aleja Hierojaŭ». Aśviatleńnie sioleta ŭ hetym parku ni razu nie ŭklučali.
Fota: Infa-Kurjer
My paprasili našych čytačoŭ z roznych haradoŭ Jeŭropy prysłać, jak zaraz vyhladajuć uviečary harady, dzie jany žyvuć. Ci praŭda Jeŭropa «patanaje ŭ ciemry»? Usie fota zroblenyja ŭviečary 2 listapada. Jak było 2 listapada, tak ludzi i zdymali.
Niamieččyna. Horad Nojrupin, Brandenburh. U horadzie žyvie 30 tysiač čałaviek, heta prykładna jak Biaroza.
Biełastok, Polšča.
Safija, Bałharyja.
Bilbaa, Ispanija.
Urocłaŭ, Polšča.
Alikante, Ispanija.
Varšava, Polšča.
Varšava, Polšča.
Olštyn, Polšča.
Vioska ŭ Niamieččynie z nasielnictvam 1870 čałaviek.
Rym z samalota.
Bierlin, Niamieččyna.
Budapiešt, Vienhryja.
Hdańsk, Polšča.
Vilnia, Litva.
Tartu, Estonija.
Miastečka ŭ pravincyjnaj Niamieččynie.
Baden-Baden.
Charlinhien, Niderłandy.
Vilnia, Litva. Kryžy na hary Troch Kryžoŭ udalečyni padśvietlenyja ŭ kolery ŭkrainskaha ściaha.
https://nashaniva.com/ru/302232