Stvaralnik tvitara abjaviŭ pra stvareńnie novaj sacyjalnaj sietki
Suzasnavalnik tvitara Džek Dorsi anansavaŭ stvareńnie novaj sacyjalnaj sietki pad nazvaj Bluesky Social. Novaja sacsietka maje być decentralizavanaj, a hałoŭnaj asablivaściu stanie mahčymaść pieranosić u jaje akaŭnty ź inšych sietak.
Džek Dorsi. Fota: OxfordUnion
U błohu Bluesky Social adznačajecca, što placoŭka budzie aryjentavacca na AT Protocol, jaki «abjadnoŭvaje idei najnoŭšych decentralizavanym technałohij u prostuju, chutkuju i adkrytuju sietku», i dazvalaje siervieram «mieć znosiny adzin z adnym — jak elektronnaja pošta».
Ciapier kampanija šukaje ludziej, jakija dapamohuć joj padčas beta-testavańnia. U pryvatnaści, tam raźličvajuć na tych, chto byŭ zvolnieny z tvitara abo płanuje zvolnicca adtul sam paśla kupli sacsietki Iłanam Maskam.
