Ukrainskaja artyleryja źniščalna paceliła ŭ bazu kadyraŭcaŭ u Chiersonskaj vobłaści. Mahčyma, tyja sami naviali USU pastami ŭ tyktoku
Pra ŭdary USU pa bazie kadyraŭcaŭ u Chiersonskaj vobłaści paviedamiŭ Telegram-kanał «Uzbrojenyja siły Ukrainy». Heta paćviardžajuć i čačenskija kanały.
Fota z čačenskich TH-kanałaŭ
U paniadziełak uviečary ŭkrainskija abaroncy ŭdaryli pa bazie bajcoŭ Kadyrava. Napiaredadni tyja pierabralisia na levy bierah i tam raźmiaścilisia ŭ adnym z budynkaŭ (pa niekatorych źviestkach, u škole). Jak raspavioŭ daradca kiraŭnika Chiersonskaj AVA Siarhiej Chłań, kadyraŭcy ŭzmocniena pościli adtul sełfi, jak jany tam adpačyvajuć.
«I siońnia nočču jany byli tam źniščany. Heta značyć, dziakujučy svaim tyktokierskim zdolnaściam, jany sami faktyčna paviedamili ab svaim miescaznachodžańni. A USU zastałosia tolki «adpracavać», — skazaŭ Chłań.
Pavodle kanała @yigal_levin, adbyłosia heta, vierahodna, u siale Kairy Chiersonskaj vobłaści.
Dakładnaj infarmacyi pra kolkaść paciarpiełych niama. Pavodle infarmacyi ŭkrainskaha vajskoŭca Anatola Štefana, u vyniku ŭdaru bolš za 60 akupantaŭ byli paranienyja, jašče kala 40 zahinuli. Apazicyjny Kadyravu resurs 1ADAT piša pra 100 zahinułych.
