Znajści
Ałharytmičny łacinski varyjant
23.10.2022 / 10:2231RusŁacBieł

«Čałaviek u futarale». Stylistka praanalizavała styl Natalli Kačanavaj 

Staršynia Savieta Respubliki zvyčajna źjaŭlajecca na publicy ŭ adnatonnym kaściumie i tuflach na abcasach. U makijažy Natalla Kačanava jaki ŭžo hod vykarystoŭvaje pamadu karyčnievaha tonu. Stylistka Hanna Pryšyvałka razabrała dla «Našaj Nivy» łuki top-čynoŭnicy i ich źmienu na roznych etapach jaje karjery. 

«Nadaje vialikaje značeńnie svajmu harderobu»

Stylistka Hanna Pryšyvałka kaža, što Kačanava — «čałaviek u futarale». Jana vielmi starajecca adpaviadać svajmu statusu i ŭzrostu. 

«Jana dobra viedaje svaju fihuru, niama niejkich rečaŭ, jakija b na joj nie siadzieli, — kaža stylistka. — Bolšaść biełaruskich čynoŭnikaŭ u płanie svajho vyhladu zatrymalisia ŭ minułym. Zrazumieła, što jość aficyjna-dziełavy styl, ale kali my pahladzim na jeŭrapiejskich palitykaŭ, tyja vyhladajuć zusim inakš.

Tereza Mej, premjer-ministr Vialikabrytanii z 2014 pa 2019. Fota: sacsietki

Ursuła fon der Lajien, staršynia Jeŭrapiejskaj kamisii. Fota: sacsietki

Ciapier, naprykład, modna nasić niešta vielmi strukturavanaje, z padkreślenaj linijaj plačej. U vobrazach Kačanavaj ab trendavaści havorki nie idzie». 

Erna Sołbierh, premjer-ministr Narviehii z 2013 pa 2021. Fota: sacsietki

Kaściumaŭ i ŭboraŭ u Kačanavaj šmat. Hanna Pryšyvałka adznačaje, što čynoŭnica nadaje vialikaje značeńnie svajmu harderobu, vyhladu.

«Anhieła Mierkiel, naprykład, mahła sabie dazvolić u adnym i tym ža płaščy źjaŭlacca na publicy ciaham 10 hadoŭ. Jaje heta nie biantežyła. U Kačanavaj ža inakš», — kaža jana. 

Vobrazy Natalli Kačanavaj mianialisia. U pačatku karjery jana vybirała kaściumy ź minimalnymi kalarovymi akcentami.

Fota: novopolotsk.by

«Jaje styl, chutčej za ŭsio, transfarmavaŭsia pa miery prafiesijnaha rostu, finansavaha stanovišča.

Miescami jaje kidaje, jość mocnyja kantrasty: ad poŭnaj adsutnaści dekoru da jaho najaŭnaści. Mahčyma, jana była ŭ pošuku svajho.

Siarod fatazdymkaŭ kinuŭsia ŭ vočy jaje kaścium niepryjemnaha bežava-šeraha koleru. Siadzić jon na joj dobra, ale absalutna nie pasuje. Koler tvaru stanovicca šerym. 

Jaje kaściumy niedarahija, u mianie ŭražańni, što, chutčej za ŭsio, ich šyje «Elema», — miarkuje stylistka. 

Hanna Pryšyvałka zaŭvažaje, što Natalla Kačanava lubić abirać śvietła-błakitnyja, šeryja adcieńni. Tak jana sprabuje hulać na kantraście svajoj ciopłaj źniešnaści. 

«Adnaznačna joj nie pasujuć šera-zialony koler, karyčnievy, bardovy. Jany jaje starać abo ŭ cełym drenna ŭpłyvajuć na źniešnaść. Jaje kolery — čorny, bežavy.

Jość niekalki starych zusim niaŭdałych łukaŭ. Čornaja sukienka, šery pinžak, vysokija boty. Ci, naprykład, bardovy pinžak, jaki sprabavali niejak aryhinalna pašyć, ale nie atrymałasia.

Jaje ŭdały łuk — niadaŭni bežavy kaścium. Jon totał, što dobra zaŭsiody hladzicca. Sam vobraz joj nieŭłaścivy.

Dobraja madel štanoŭ, padaŭžajuć samu praporcyju, jana vyhladaje bolš zhrabnaj», — raskazvaje jana. 

«Zrabiła b joj składanaje afarboŭvańnie»

Stylistka kaža, što pa Kačanavaj składana vyznačyć jaje ŭzrost: na raniejšych fatazdymkach jana vyhladaje praktyčna hetaksama, jak u 2022-m. Pryčoska i makijaž adnolkavyja.

Na śviatočnych mierapryjemstvach, naprykład, na navahodnim bali, Kačanava źjaŭlajecca ŭ viečarovaj sukiency.

Fota: BiełTA

«Sukienka na bali nie vielmi ŭdała na joj siadzić, — ličyć stylistka. — Ale ŭ cełym vybar dla žančyny jaje hadoŭ na takoje mierapryjemstva vielmi niadrenny. Jaje balnyja vobrazy ja b krytykavać nie stała. Tam bačna i pa pryčoscy, i pa makijažy, što ź joj pracavali stylisty». 

Makijaž i pryčoska ŭ Natalli Kačanavaj nie pieražyvajuć nijakich źmien. Stylistka kaža, što tak farbavacca było modna ŭ 1980—1990-ja.

«Bolš za ŭsio ja nie razumieju, što ŭ našych žančyn-čynoŭnic z tvarami. Jany vyhladajuć pa-mužčynsku, prysutničaje tam horyč.

Padabajecca joj karyčnievaha koleru pamada, jakaja nadaje jaje tvaru ziamlistaje adcieńnie. Asabliva drenna hetaja pamada vyhladaje ŭ spałučeńni z błakitnym kaściumam. Ź plusaŭ — nie maluje brovy», — razvažaje stylistka. 

Fota: BiełTA

Hanna Pryšyvałka parekamiendavała b čynoŭnicy admovicca ad karyčnievaj pamady, rabić makijaž bolš łajtovym. 

«Taksama zrabić karaciejšaj stryžku. Heta pasuje žančynam va ŭzroście, a ŭ jaje jašče ciažkaja nižniaja častka tvaru, nie chapaje naturalnaha abjomu. Jašče lepš źmianić koler na bolš śvietły, zrabiła b joj składanaje afarboŭvańnie.

U adzieńni trymacca ciopłych adcieńniaŭ i sychodzić u styl pa pryncypie taho bežavaha kaściuma. Pasprabavać nasić dvuchbortnyja pinžaki.

Chacia, kali b ja była stylistam pa toj bok barykadaŭ, taksama b tak jaje apranuła. Tamu što Kačanava robić uražańnie na tuju publiku, jakaja takaja ž samaja, jak jana. U takich ža, umoŭna, kaściumach, z takim ža hustam. Jany hladziać na jaje i dumajuć, što jana svaja. 

Z punktu hledžańnia jaje roli ŭ Biełarusi ŭ cełym vielmi pravilny vobraz, pa dziaržaŭnym standarcie», — padsumoŭvaje stylistka. 

Čytajcie taksama: 

«Puciavodnaja zorka ŭ šalonym patoku suśvietnaj historyi». Pačytajcie, jakuju biazhłuździcu hienieruje Kačanava

Kali Kačanava apošni raz jeła kniedliki?

Čaho nie ŭličvaje Natalla Kačanava? Ekanamist Lvoŭski raskazaŭ, kali apuściejuć palicy kramaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Žieleznyj Drovosiek /adkazać/
24.10.2022
Naša Niva, SPK Koopierativnoje priedprijatije Hod osnovanija: 1929 Pop №2 Po suŝiestvu vašieho voprosa imieju soobŝiť śledujuŝieje: zadołho do svojeho roždienija ja načał trudovuju vachtu v sovchozie «śvietłyj puť iljiča» na dołžnosti mładšieho pomoŝnika zamiestitiela mašinista bašiennoho krana v stołovoj obłpotriebkoopsojuza, o čiem jesť sootvietujuŝaja zapiś v tk i hramota vtoroj stiepieni. Pośle čieho był pierieviedion na dołžnosť brihadira učietčikov ciecha horiačiej produvki i vyduvki arhona čieriez ksienon pod davlenijem tiahi obratnoho otžataja fiestona. Za čto połučił hramotu trieťjej stiepieni. Prichoditie k nam v brihadu! Nie požalejetie!
2
šutkaturščyca/adkazać/
24.10.2022
o. dziakuj. lublu  ̶b̶ie̶z̶bašennych mužykoŭ. a kim ja budu ŭ vas pracavać? bryhadziraŭuštabielaŭkładčycaj? a jakaja raspłata?
0
prabiralščyca/adkazać/
24.10.2022
jakaja ŭsio-tki svoječasovaja prapanova... a toje katory ŭžo dzień dumaju, kali šeŭ i zamšeŭ dapiakuć - pajdu ŭ prybiralščycy ŭ hety budynak, paprašusia na hety pavierch, budu mužčynski sarcir myć. a kali jany buduć zachodzić, budu na ich arać - "čaho ssycie!?" mima rukamyjnika. i anučaj-anučaj pa popie im
Žieleznyj Drovosiek, dziakuj. vy zrabili maju darohu siońnia nie sumnaj) ale ludzi kasilisia - čaho jana tak irže? 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031