Iranskaja spartsmienka na znak pratestu vystupiła na spabornictvach biez chidžaba
Skałałazka Elnaz Rekabi stała druhoj irankaj za 43 hady, jakaja pajšła na taki krok. Jak piša The National, strohi dres-kod 33-hadovaja spartsmienka parušyła padčas pieršynstva Azii pa skałałažańni, jaki prachodziŭ u Sieule. U finale turniru jana ŭźlezła na ścianu ŭ toj čas, jak jaje vałasy byli prosta sabranyja ŭ chvost. Rekabi zaniała na pieršynstvie vynikovaje čaćviortaje miesca.
Elnaz Rekabi. Fota z sacsietak
Učynak spartsmienki staŭ druhim u historyi Irana z tych časoŭ, jak u 1979 hodzie, nieŭzabavie paśla Isłamskaj revalucyi, našeńnie chustki i zakrytaha adzieńnia stała dla iranskich žančyn abaviazkovym.
U 2019 hodzie na turniry pa boksie ŭ Francyi iranka Sadaf Chadem vyjšła na rynh biez chidžaba. U vyniku Sadaf u Iran tak i nie viarnułasia, admianiŭšy zvarotny rejs u Tehieran paśla taho, jak stała viadoma, što na radzimie vydali order na jaje aryšt.
Vystupleńnie Elnaz Rekabi adbyłosia na fonie pratestaŭ pa ŭsim Iranie, padstavaj dla jakich stała śmierć u vyniku pabojaŭ siłavikoŭ 22-hadovaj dziaŭčyny Machsy Amini.
Čytajcie taksama:
«U Iranie sistema ŭstojlivaja, bo tam niama manapolii na ŭładu». Uschodaznaŭca raskazaŭ, ci mohuć pratesty pieramahčy i jak zbudavanaja hetaja ŭnikalnaja palityčnaja sistema
