Znajści
Ałharytmičny łacinski varyjant
18.10.2022 / 09:062RusŁacBieł

«Dadomu chočacca». Bajec bataljona «Vołat» Dzianis Urbanovič raskazaŭ, jak vajuje paśla kantuzii

Biełaruski dobraachvotnik, a ŭ minułym — staršynia «Maładoha frontu» Dzianis Urbanovič byŭ paranieny va Ukrainie pry kancy maja. Jon vykonvaŭ bajavuju zadaču, kali pobač ź im razarvałasia mina. Mužčyna raskazaŭ «Našaj Nivie», kolki jon adnaŭlaŭsia i što dumaje pra razhortvańnie sumiesnaj rehijanalnaj hrupoŭki vojskaŭ Rasii i Biełarusi.

Fota: asabisty archiŭ

Paśla kantuzii adnaŭlaŭsia Dzianis paŭtara miesiaca. U jaho paciarpieŭ słych, ciapier jon nie čuje na 10 adsotkaŭ. 

«A tak ja siabie dobra adčuvaju.

Byvaje, što hałava balić, ale heta va ŭsich kantužanych takoje.

Chutka apraviŭsia i pajechaŭ na bajavuju zadaču», — raskazvaje jon. 

Ciapier Dzianis Urbanovič kamandzir raźviedhrupy ŭ bataljonie «Vołat». 

«Dadomu chočacca, — pryznajecca jon. — Časta dom śnicca. Apošnim časam uvohule ŭvieś čas dumaju, što tam u mianie na Łahojščynie, jak tam baćka, braty, siabry. Heta niejak psichałahična ciažka. Naturalna, za siem miesiacaŭ na vajnie ja troški stamiŭsia. Mabyć, treba budzie kali-niebudź adpačynak uziać».

U toje, što biełaruskaja armija pojdzie va Ukrainu, Dzianis Urbanovič nie vieryć, bo «ich čakajuć na miažy».

«Ciapier jana achoŭvajecca vielmi dobra, i biełaruskamu niepadrychtavanamu vojsku niemahčyma budzie ŭvajści va Ukrainu», — ličyć Urbanovič.

Fota: asabisty archiŭ

Dzianis spadziajecca, što sumiesnaja rehijanalnaja hrupoŭka vojskaŭ «pajeździć, pabiehaje i supakoicca». 

«Ja vałodaju aficyjnaj infarmacyjaj pa niekatorych składach u Biełarusi (u Bieraściejskaj i Viciebskaj abłaściach). Jany praktyčna spustošany, adtul usio vyvieziena ŭ Rasiju. Niekalki dziasiatkaŭ tankaŭ pieradadziena tudy ž. Pry pačatku druhoj fazy vajny (kali Pucin pasprabuje padklučyć Biełaruś) nie budzie z čym iści va Ukrainu», — miarkuje Urbanovič. 

Na pytańnie, adkul Dzianis biare siły i resursy na baraćbu z vorahami, jon adkazvaje, što dapamahaje Boh.

«U nas meta — prarubić šlach u Novuju Biełaruś. Heta nas i natchniaje», — padsumoŭvaje jon.

Čytajcie taksama:

Ciažka kantužany biełaruski dobraachvotnik Dzianis Urbanovič

Ci stvorać rasijskija vojski ŭ Biełarusi novy front dla Ukrainy na poŭnačy?

ŚMI: Masavaje zabojstva vajskoŭcaŭ pad Biełharadam adbyłosia paśla abraźlivych słoŭ u adras Ałacha ad adnaho z kamandziraŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
123/adkazać/
18.10.2022
Tolko včiera čitał čto maksimum pośle 180 dniej nužna rotacija iz-za combat fatigue (combat stress reaction). Opasno byť takim ustavšim :(
0
chch/adkazać/
18.10.2022
a chto fota adlustravaŭ? pieršaje. tak treba?
ach, nu tak ža - vaŭkałak moža pieraŭtvaracca

Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera