Znajści
Ałharytmičny łacinski varyjant
16.10.2022 / 22:047RusŁacBieł

U Litvie vyjavili, što dačka Šajhu maje litoŭskaje hramadzianstva

Pra atrymańnie hramadzianstva Litvy dačkoj ministra abarony Rasii Siarhieja Šajhu paviedamlaje litoŭskaje LRT. Hramadzianstva joj vydali paśla taho, jak eks-paluboŭnica ministra abarony Rasii, maci jahonych dziaciej Alena Šabunova vyjšła zamuž za litoŭca Adolfasa Kaminskasa.

Alena Šabunova (ciapier Kaminskas) i Siarhiej Šajhu

Pavodle źviestak LRT, byłaja paluboŭnica ministra abarony Rasii Siarhieja Šajhu sprabuje atrymać prytułak u Litvie. Hetym letam Departamient mihracyi skasavaŭ vid na žycharstva Aleny Kaminskas — ciapier žančyna heta asprečvaje ŭ sudzie. Departamient dziaržaŭnaj biaśpieki zajaŭlaje, što znachodžańnie Aleny Kaminskas u Litvie stavić pad pahrozu nacyjanalnuju biaśpieku.

Pa jakich pryčynach byŭ skasavany jaje dazvoł na žycharstva, u departamiencie pa pytańniach mihracyi nie tłumačać. U adkazie departamienta pišacca, što arhumienty, pa jakich było pryniataje rašeńnie skasavać dazvoł na žycharstva Aleny Kaminskas, buduć pradstaŭleny ŭ sudzie. Pry hetym, pavodle departamienta dziaržaŭnaj biaśpieki, jany prainfarmavali departamient pa pytańniach mihracyi nakont mahčymaj pahrozy nacyjanalnaj biaśpiecy, źviazanaj z hetaj asobaj praź jaje suviazi z rasijskimi strukturami.

Kaminskas maje ad Šajhu dvuch pazašlubnych dziaciej, adno ź jakich niepaŭnahadovaje. Akramia taho, Kaminskas, da šlubu Alena Šabunova, maje dvuch dziaciej ad litoŭca Adolfasa Kaminskasa, jaki ŭ svaju čarhu maje pašpart Rasii (ab hetym śviedčać zapisy ŭ rasijskim rehistry ad krasavika hetaha hoda, dzie zapisana, što majomaść Adolfa Kaminskasa naležyć jamu nie jak hramadzianinu zamiežnaj krainy).

Troje z čatyroch dziaciej Kaminskasaŭ majuć litoŭskaje hramadzianstva — siarod ich i dačka ad Šajhu.

Litoŭskaje hramadzianstva jana atrymała ŭ 2019 hodzie, paśla šlubu maci z Adolfasam Kaminskasam. Taksama, pavodle vyjaŭlenaj infarmacyi, u žniŭni i Alena Kaminskas, i jaje muž byli ŭ Rasii.

U LRT taksama daviedalisia, što abodva jany šukali mahčymaści zrabić inviestycyi ŭ krainach Jeŭrapiejskaha sajuza.

Da žanićby z Šabunovoj Kaminskas byŭ ścipłym pradprymalnikam, jahonaja kampanija zajmałasia prodažam mapiedaŭ i zapčastak da ich. Ale paśla šlubu jon staŭ fantastyčna chutka bahacieć. Kaminskas staŭ uładalnikam rasijskaj firmy z statutnym kapitałam u miljon rubloŭ, a taksama staŭ inviestaram kampanij, jakija zajmajucca šmatmiljonnymi deviełopierskimi prajektami ŭ Litvie. Padrabiaźniej pra biznes Kaminskasa i jahonyja suviazi z Šabunovaj možna pačytać u sumiesnym rasśledavańni rasijskaha vydańnia Insider i litoŭskaha Siena/OCCRP.

Pa źviestkach žurnalistaŭ, paśla rasijskaha ŭvarvańnia va Ukrainu Kaminskas, jaki atrymaŭ hramadzianstva Rasii, pradaŭ svaje litoŭskija aktyvy.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Kotovrin/adkazać/
17.10.2022
Prosto žitieli maleńkoj, no hordoj Žiemajtii zamietili, čto poślednieje vriemia v informacionnom pole ničieho nie było pro ich vielikoje hosudarstvo. A tak-to ja nie povieriu, čto oni nie znali pro dočku Šojhu. Oni postojanno čto-to pod kovrikom kovyriajut, to s łukašienko, to s pročimi somnitielnymi piersonami.
3
Maksim Dizajnier/adkazać/
17.10.2022
Jevropa i Rośsija - dva sapoha para!
0
Dvienadcataja noč /adkazać/
17.10.2022
Maksim Dizajnier Nu čto ty briešieš?Kuda vłomiłaś Jevropa radi sobiranija ziemiel?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera