Znajści
Ałharytmičny łacinski varyjant
15.10.2022 / 15:2716RusŁacBieł

Rachmon vykazaŭ Pucinu ŭsio, što dumaje. Što heta było? Tłumačyć ekśpiert

Na samicie ŭ Astanie Pucin trapiŭ u niazvykłuju dla siabie i davoli niepryjemnyju situacyju. Cełuju lekcyju pračytaŭ jamu prezident Tadžykistana Emamali Rachmon, jaki zapatrabavaŭ ad Rasii nie vieści palityku ŭ dačynieńni da krain Centralnaj Azii tak, nibyta dahetul isnuje SSSR. Čamu Rachmon raptam tak aśmialeŭ? I jakoj budzie reakcyja Pucina na rezki manałoh? Tłumačyć palityčny analityk Valer Karbalevič.

Vystup Emamali Rachmona

Emamali Rachmon na samicie ŭ Astanie vykazaŭ nastupnaje:

«My chočam, kab nas pavažali. Dzie my niešta parušyli? Dzieści nie tak pavitalisia? My zaŭsiody pavažali intaresy svajho hałoŭnaha stratehičnaha partniora (u asobie Rasijskaj Fiederacyi. — NN). My chočam, kab nas pavažali… Nie treba ŭ nas šmat hrošaj układać. Uładzimir Uładzimiravič, prośba da vas, kab nie było palityki da krain Centralnaj Azii jak da byłoha Savieckaha Sajuza».

«Tut dva važnych momanty. Pa-pieršaje, ahulnaja situacyja vakoł vajny va Ukrainie, jakuju Pucin abhruntoŭvaŭ tym, što raspad SSSR byŭ niespraviadlivym i postsavieckija miežy Rasija ciapier ličyć niapravilnymi, — zaŭvažaje Karbalevič. — Heta naściarožyła ŭsich lidaraŭ postsavieckich krain.

Nu i sama pa sabie niaŭdałaja vajna Pucina: heta taksama dadało žarści ŭ adnosiny Rasii ź dziaržavami postsavieckaj prastory. Asabliva dałučeńnie da Rasii ŭkrainskich abłaściej — heta vyklikaje dyskamfort u postsavieckich lidaraŭ.

Tamu toje i vylivajecca ŭ publičnyja zajavy. Raniej byli zajavy ad prezidenta Kazachstana Takajeva, ciapier voś zajava Rachmona.

Emamali Rachmon

Druhi momant — niadaŭni kanflikt pamiž Tadžykistanam i Kyrhyzstanam. U vyniku jaho, miarkuju, zastalisia niezadavolenymi abodva baki, jakija ciapier majuć pretenzii na adras Rasii i ADKB. Maŭlaŭ, što heta takoje, sajuźniki pamiž saboju vajujuć, ale nichto nie moža ŭmiašacca i niejkuju spraviadlivaść ustanavić.

Prezident Kyrhyzstana Žaparaŭ navat nie pajechaŭ na niefarmalny samit u Pieciarburhu, dzie vinšavali Pucina ź jubilejem. Heta śmieły demarš z boku Žaparava — ja dumaju, što jaho zaprašali, jak i ŭsich astatnich. Ale nie pryjechaŭ Žaparaŭ i nie pryjechała prezidentka Małdovy Maja Sandu. I paśla Kyrhyzstan admoviŭsia ad vučeńniaŭ ADKB.

A ciapier svoj demarš zrabiŭ i Rachmon».

Analityk miarkuje: pramova Emamali Rachmona była nakiravanaja na zamiežnuju aŭdytoryju. Jana sapraŭdy mieła vialiki rezanans i narabiła šumu.

«Heta, mahčyma, taksama sihnały Kitaju. Žadańnie prademanstravać, što Tadžykistan hatovy da kitajskaha ŭpłyvu, — adznačaje Valer Karbalevič. — Dla Pucina słuchać usio heta vidavočna było niepryjemna.

Pucin padčas pramovy Rachmona

Ale za zajavami Rachmona pakul niama nijakich dziejańniaŭ — a dla Rasii siońnia važnyja dziejańni, a nie zajavy. I zaraz Rasii ŭ cełym nie da hetaha — jana nadta mocna zachrasła va Ukrainie i bałocie vajny, tamu nie dumaju, što Rachmonu i Tadžykistanu varta čakać niejkich nastupstvaŭ paśla hetaj pramovy».

Ale vajna va Ukrainie naniesła mocny ŭdar pa postsavieckaj intehracyi, pa ŭsich intehracyjnych abjadnańniach, jakija inicyjavała Rasija, adznačaje Karbalevič. I ciapier usie lidary SND buduć jašče bolš naściarožana reahavać na prapanovy pahłybleńnia intehracyi ci stvareńnia nadnacyjanalnych orhanaŭ. 

«Bo siońniašniaja Rasija, z adnaho boku, užo nie taki mocny čyńnik padtrymki, jana ciapier sama nie ŭ vielmi dobrym stanie. Ale pry hetym, z druhoha boku, jana moža być i pahrozaj, — kaža Valer Karbalevič. —

Rasija doŭhi čas padtrymlivała postsavieckija dziaržavy i ekanamična, i enierhietyčna, čamu ź joj zaŭsiody namahalisia padtrymlivać adnosiny. Nafta i haz pa lhotnych cenach, zbroja pa lhotnych cenach… Ciapier ža hety faktar padtrymki źmianšajecca, ale pavialičvajecca faktar pahrozy. Idei pra niaspraviadlivy raspad SSSR vielmi naściarožvajuć. I Rasija chutka niasiecca na skały, na ajśbierh — heta patencyjnaja pahroza, jakuju dobra adčuvajuć postsavieckija lidary. Tamu ja prahnazuju, što z dalejšymi intehracyjnymi pracesami na postsavieckaj prastory ŭźniknuć vialikija prablemy».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
286
Панылы сорам
9
Ха-ха
23
Ого
17
Сумна
9
Абуральна
36
0
Mikłucho-Makkonachi/adkazać/
19.10.2022
Maksim Dizajnier,
 pooblizyvajsia na miestnych krasavic --- pochožie,pisał podrostok v pubiertatnyj pieriod
0
Žieleznyj Drovosiek /adkazać/
19.10.2022
Maksim Dizajnier Iz čieho-čieho vylezti? Na koho oblizyvaťsia? Kto na kom stojał? Potrudiś svoi myśli formulirovať jaśnieje.
2
Žora/adkazać/
23.10.2022
Po-russki pravilno pisať Tallin (a nie Tallinn), Ałma-Ata (a nie Ałmaty), Biełoruśsija (Biełaruś — eto traktor), pojechať na Ukrainu (a nie v Ukrainu), Kirhizija (a nie Kyrhyzstan), Mołdavija (a nie Mołdova) niezavisimo ot toho, čto dumajut po etomu povodu žitieli ukazannych miest.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera