Recept na vychadnyja. Zapiečanyja jajki ź viandlinaj — chutki i pryhožy śniadanak

Času zajmaje mała — a smačna.

Fota: BBC Food

Dla adnoj porcyi zapiečanych jajek ź viandlinaj vam spatrebicca:

30 hramaŭ viandliny (lepiej, kab heta byŭ adzin kavałak)
4 listki baziliku (ci drobka sušanaha baziliku)
1 stałovaja łyžka śmiatany, lepš nie vielmi tłustaj
1 jajka
1 stałovaja łyžka ciortaha ćviordaha syru (možna ŭziać čedar)
sol i mołaty čorny pierac
dla padačy: liście sałaty, aliŭkavy alej, možna vycisnuć trochi soku ź limona

Razahrejcie duchoŭku da 170 hradusaŭ.
Raźmiaścicie viandlinu ŭ formačcy takim čynam, kab viandlina sfarmavała saboj čašu, i pakładzicie ŭnutr bazilik. Źvierchu pakładzicie śmiatanu i raźbicie jajka. Pasypcie jaho syram i prypraŭcie sollu i piercam.
Pastaŭcie formu ŭ duchoŭku i hatujcie jajka 15 chvilin abo pakul jano nie zapiačecca (žaŭtok pavinien zastacca krychu vilhotnym).
Pakładzicie na talerku liście sałaty, apyrskajcie jaho alejem, vyciśnicie źvierchu krychu limonnaha soku i padavajcie sałatu razam z zapiečanym jajkam. Možna vykarystać i bolš prosty varyjant sierviroŭki — padać jajka z chlebam jak na fota.

Recept na vychadnyja: šakaładna-bananavyja francuzskija tosty

Recept na vychadnyja. Bokści (boxty) — draniki, ale pa-irłandsku

Recept na vychadnyja. Anhlijskija aładki piklety — novy varyjant smačnaha śniadanka

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

PN	AŬ	SR	ČC	PT	SB	ND
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

AŬ

ČC

Kamientary

Žach/adkazać/

16.10.2022

⤷ Dzied, voś tamu peŭna dzied i prynosiŭ plašačku pad tuju stravu, kab chalesteryn nie ŭschadziŭsia. Jon 90 hadoŭ pražyŭ, i da apošniaha aktyŭna. Viercham na kani moh prajechacca, a pra rovar ja j nie kažu. Vypisvaŭ hazety (polskamoŭnuju, lijetuviskuju i Źviazdu), cikaviŭsia, jak tam žyvuć, chadziŭ u klub hladzieć kíny. Jaki tam chalesteryn ? I ŭvieś čas ježa samaja prostaja: u asnovie bulba, sała, jajki, chleb, harodnina ŭ roznych varyjacyjach... Nu, i plašačka samarobnaj, viadoma. Jon i nam, unukam, nalivaŭ, jak užo chłopcami byli. Kulnieš tak čaračku-druhuju, i niekudy zaźbiraješsia z-za stała, a jon spynić, skaža pasiadzi paŭhadzinki, nie laci. Jon viedaŭ, što kazaŭ, bo nohi "viartalisia" rykładna praz taki čas. :))

Dzied/adkazać/

17.10.2022

⤷ Žach, ludzi narodžanyja jašče "tady" heta byli inšyja ludzi, i sała i harełka było inšaje, i bulba ź jajkami inšaja, harodnina, sadavina, pavietra vada, imunitet, stres... Usio było inšaje... Tady ludzi z rečki vadu pili... Zaras napisia... Tady ŭsie pasty vytrymlivali, a viasnoju na travie žyli, arhanizm rehularna mocna ačyščaŭsia, a skvarki pad plašačku jeli nie časta, pracavali, ruchalisia z uschodu da zachodu, ŭ łaźniu pieryjadyčna... :)) kali plašačka ratuje ad chalesteryna i karysnaja, to Rasieja musić być samaja zdarovaja ŭ śviecie.. :)

⤷ Dzied, nu, dyk treba ž viedać mieru. U mieru ŭsio karysna. Čarnahorcy ranicu pačynajuć z 50 hr. rakii, niešta nia čuŭ, kab u ich byli prablemy. A vino zamiest vady pjuć, aŭtentyčnaje, Krstač, albo Vranac (mnie Krstač bolš pryjšoŭsia byŭ). Ci nia ŭ kožnaj vioscy (a ja tam usiu krainu abjechaŭ, aŭto na prakat tolki 20 jeju sutki)) svaje viny cisnuć, a rakiju dyk paŭsiul honiać. I ŭsie sčaślivyja, uśmiešlivyja, vietlivyja...nichto nia skardzicca na chalesteryn i pad płotam nie valajecca... :)) Nijakich pjanych bojek, chamstva, ci sraču... Pieśni piajuć - heta tak. Vy ž nia budziecie ćvierdzić, što jany inšapłaniecianie ?..

Pakazać usie kamientary

Kab pakinuć kamientar, kali łaska, aktyvujcie JavaScript u naładach svajho braŭziera