Znajści
Ałharytmičny łacinski varyjant
04.10.2022 / 12:3116RusŁacBieł

Łukašenka ŭpieršyniu pryznaŭ udzieł Biełarusi ŭ vajnie va Ukrainie

Alaksandr Łukašenka ŭpieršyniu publična pryznaŭ, što Biełaruś biare ŭdzieł u «śpiecyjalnaj vajennaj apieracyi va Ukrainie». Jon vykarystaŭ hety prydumany ŭładami Rasii eŭfiemizm, kab nie kazać słova «vajna». Svaju zajavu jon zrabiŭ na naradzie pa pytańniach vajennaj biaśpieki ŭ Minabarony Biełarusi 4 kastryčnika. Jaho słovy pieradaje dziaržaŭnaje ahienctva BIEŁTA.

Alaksandr Łukašenka na naradzie 4 kastryčnika. Skrynšot

«Što tyčycca našaha ŭdziełu ŭ śpiecyjalnaj vajennaj apieracyi va Ukrainie, my ŭdzielničajem tam. My hetaha nie chavajem. Ale my nikoha nie zabivajem. My nikudy nie pasyłajem svaich vajskoŭcaŭ. My nie parušajem svaje abaviazki», — zajaviŭ kiraŭnik biełaruskaj administracyi.

«Naš udzieł u tym, kab nie dapuścić raspaŭsiudžvańnia hetaha kanfliktu na terytoryju Biełarusi, pa-pieršaje. Pa-druhoje, nie dapuścić naniasieńnia ŭdaru pa Biełarusi pad prykryćciom śpiecyjalnaj vajennaj apieracyi z boku Polščy, Litvy i Łatvii. Jak ja kazaŭ, u śpinu ruskim stralać nichto nie budzie z terytoryi Biełarusi. Voś naš udzieł», — skazaŭ jon.

Łukašenka taksama zajaviŭ, što Ukraina «sama pravakuje na miažy». Pavodle jaho słovaŭ, susiedniaja kraina ściahnuła da biełaruskaj hranicy da 15 tysiač vajennasłužačych, ažyćciaŭlaje tam inžyniernaje abstalavańnie błokpastoŭ i ahniavych pazicyj.

«Nie prosta zabarykadziravałasia, a pabudavała ścianu. Pastajanna viadzie aptyčnuju, radyjoelektronnuju, radyjotechničnuju raźviedku našaj terytoryi, vojskaŭ, abjektaŭ. Čaściakom z parušeńniem svaimi bieśpiłotnikami linii dziaržaŭnaj miažy. I ŭ toj ža čas pieražyvajuć i paracca nakont taho, «ach, jak by Biełaruś nie ŭstupiła ŭ vajnu». I pastajanna pravakacyi na hranicy», — skazaŭ Łukašenka.

Jon prahnazuje dalejšuju eskałacyju kanfliktu. «U najbližejšy čas nie treba čakać źnižeńnia napružanaści. Naadvarot, Rasija naraścić namahańni ŭ śpiecyjalnaj vajennaj apieracyi. Zachad u svajoj vajnie ź joj budzie imknucca jašče bolš uzbrojvać Ukrainu», — miarkuje jon.

U toj ža čas Łukašenka «ŭpeŭnieny, što ŭ Biełarusi niama nieabchodnaści abjaŭlać mabilizacyju», — cytuje jaho BiełTA.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
33
Ха-ха
18
Ого
4
Сумна
1
Абуральна
74
1
KAK BIŁŁ KLINTON/adkazać/
04.10.2022
«Ja ekśpierimientirovał s marichuanoj raz ili dva, i mnie ona nie ponraviłaś. Ja nie vdychał jeje i nie probovał».

«Čto kasajetsia našieho učastija v śpiecialnoj vojennoj opieracii v Ukrainie, my učastvujem tam. My etoho nie priačiem. No my nikoho nie ubivajem. My nikuda nie posyłajem svoich vojennych. My nie narušajem svoi obiazatielstva».
https://nashaniva.com/ru/300409

0
Janka-muzyka/adkazać/
05.10.2022
Adzin taksama spačatku kazaŭ što "ich tam niet". A potym pryznaŭsia, što "ichtamniety" tam byli. U hetaha taja samaja pieśnia! Spačatku: my nie suahresary, potym: udzielničajem, ale nikoha nie zabivajem, dalej budzie: zabili niekatorych, ale jany sami byli vinavatyja! Jaki soram, vydavałasia darosłyja ludzi, a nie!
0
Jana i jość/adkazać/
05.10.2022
Pačvara
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera