Stołtenbierh: Dla pryniaćcia Ukrainy ŭ NATA treba rašeńnie ŭsich 30 jaho členaŭ
Hienieralny sakratar NATA zajaviŭ, što rašeńnie pra siabroŭstva toj ci inšaj krainy ŭ NATA buduć prymać usie 30 jaho členaŭ, a nie sama arhanizacyja ŭ cełym.
«Kožnaja demakratyčnaja kraina ŭ Jeŭropie maje takoje prava — padavać na členstva. I my pavažajem hetaje prava. My znoŭ i znoŭ havorym, što NATA zastajecca adkrytym. I my heta za apošnija hady pakazvali.
Sajuźniki NATA sustrelisia ŭ Madrydzie, i tady taksama było zroblena dakładnaja zajava, što my padtrymlivajem prava Ukrainy vybirać svoj šlach i vyrašać, u jakija abaronnyja aljansy ŭstupać.
Viadoma, rašeńnie ab hetym členstvie pavinna prymacca usimi 30 členami. Heta kansensusnaje rašeńnie. Ciapier my skancentravanyja na tym, kab akazvać takuju niepasrednuju padtrymku Ukrainie, dapamahać Ukrainie abaraniacca ad rasijskaha ŭvarvańnia», — skazaŭ Stołtenbierh.
Jon aficyjna zajaviŭ, što NATA nie pryznaje ŭvachodžańnie čatyroch subjektaŭ u skład Rasii, a taksama adznačyŭ, što Rasiju čakajuć «surjoznyja nastupstvy», kali jana skarystaje jadziernuju zbroju.
