U Tuvie ŭłady daduć siamji kožnaha mabilizavanaha žyvoha barana
Dapamahajuć siemjam pryzvanych u vojska nie tolki baranami — im pieradajuć miaški bulby, drovy i vuhal, piša «RBK».
«Rabotniki ŭpraŭleńniaŭ sielskaj haspadarki municypalnych utvareńniaŭ z učorašniaha dnia pačali pieradaču aviečak… usiaho była pieradadzienaja 91 žyvioła», — havorycca ŭ paviedamleńni. — U Baj-Tajhinskim rajonie razam z baranami siemjam nakiravanych na častkovuju mabilizacyju vydavali bulbu. Jak udakładniŭ ministr sielskaj haspadarki Siarhiej Andar, pracu pa raźmierkavańni pahałoŭja žyvioły pavinny zaviaršyć da kanca tydnia. Siońnia pačaŭsia razvoz pa municypalnych centrach muki, bulby i kapusty. U meryju Kyzyła ŭžo zavieźli bulbu i muku… u Šahanary rajonnaja administracyja akramia vuhalu vyrašyła vyłučyć siemjam mabilizavanych drovy ź miascovych piłaram».
Ułady Respubliki padkreślivajuć, što dapamoha naturalnym praduktam — heta tolki častka ŭsich mier padtrymki.
29 vieraśnia ŭrad Tuvy zajaviŭ ab vykanańni płana pa mabilizacyi, jakuju Uładzimir Pucin abviaściŭ 21 vieraśnia.
Pa vynikach 2021 hoda Tuva zaniała apošniaje miesca ŭ rejtynhu rasijskich rehijonaŭ pa jakaści žyćcia. Pa vynikach 2020 hoda, dola nasielnictva, jakoje pražyvaje za rysaj biednaści, u Tuvie skłała 34,1%.
