Znajści
Ałharytmičny łacinski varyjant
22.09.2022 / 00:192RusŁacBieł

Siarod viernutych z rasijskaha pałonu — hałoŭnyja kamandziry «azoŭcaŭ»

Stała viadoma, što siarod tych bajcoŭ bataljona «Azoŭ», jakija vyjšli na volu ŭ vyniku abmienu pałonnymi, što siońnia byŭ praviedzieny ŭ Čarnihaŭskaj vobłaści, apynulisia i ich kamandziry — Dzianis Prakapienka «Radys», Śviatasłaŭ Pałamar «Kalina» i Siarhiej Vałynski «Vałyna».

Jak paviedamiŭ kiraŭnik Ofisa prezidenta Ukrainy Andrej Jarmak, vyzvalenyja 215 ukrainskich pałonnych, siarod ich 108 — abaroncy «Azoŭstali». 124 čałavieki — aficery.

«My abmianiali 200 našych hierojaŭ na Miedviedčuka, jaki ŭžo daŭ usie mahčymyja pakazańni śledstvu. A 5 hierojaŭ — kamandziraŭ «Azoŭstali» — na 55 ruskich pałonnych, jakija nie majuć dla nas nijakaj cikavaści», — udakładniŭ Jarmak.

Abmien asnoŭnaj masy pałonnych adbyŭsia ŭ Čarnihaŭskaj vobłaści, ukrainskich vajennapałonnych mahli nibyta pryvieźci z terytoryi Biełarusi.

A voś abmien kamandziraŭ adbyŭsia na niejtralnaj terytoryi, u Turcyi. Piać kamandziraŭ pałka» Azoŭ « buduć znachodzicca tam da kanca bajavych dziejańniaŭ pad pratekcyjaj tureckaha lidara Taipa Redžepa Erdahana, paviedamiŭ u svaim viačernim zvarocie prezident Ukrainy Uładzimir Zialenski.

U svaju čarhu, Erdahan zajaviŭ, što abmien pałonnymi pamiž Rasiejaj i Ukrainaj staŭ mahčymy pry pasiarednictvie Turcyi.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
62
Панылы сорам
1
Ха-ха
0
Ого
2
Сумна
1
Абуральна
0
1
Noŭnejm/adkazać/
22.09.2022
Vielmi rady za azoŭcaŭ, a asabliva za ich kamandziraŭ! Viečnaja pamiać achviaram rasiejcaŭ u Jalenaŭkie!
8
Baba Hela/adkazać/
22.09.2022
Dy k ich ža Chajmarsam raniej z pałonu vysvabadzili? Halivud adpačyvaje.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera