Aleh Hruździłovič vyzvaliŭsia pa pamiłavańni Łukašenkam. Vyhladaje jon jak paśla kancłahiera VIDEA
Źjavilisia pieršyja fota i intervju žurnalista «Radyjo Svaboda» Aleha Hruździłoviča paśla jaho niečakanaha vyzvaleńnia z kałonii. Ź intervju krychu vyśvietlilisia abstaviny hetaha vyzvaleńnia.
Aleh Hruździłovič da i paśla vyzvaleńnia
Akazałasia, što Hruździłovič vyzvaleny na padstavie ŭkaza Łukašenki № 327 ad 19 vieraśnia 2022 hoda ab pamiłavańni. Tak napisana ŭ daviedcy ab vyzvaleńni. Hety ŭkaz pakul što, darečy, nie apublikavany.
Dla taho, kab atrymać pamiłavańnie, Hruździłovič napisaŭ prašeńnie, ale pry hetym padkreślivaje, što svajoj viny ŭ im nie pryznavaŭ.
Uvohule jon znachodzicca ŭ dobrym humory i, jak śćviardžaje, u dobraj formie. U kałonii zajmaŭsia fizkulturaj i ciapier moža padciahnucca 9 razoŭ, choć raniej moh tolki 3.
Ciapier Hruździłovič razam z žonkaj Marjanaj znachodzicca ŭ Litvie.
