U OpenStreetMap idzie hałasavańnie za vybar movy: biełaruskaja ci ruskaja
U subotu raspačałosia hałasavańnie za pierakład najmieńniaŭ abjektaŭ na mapie OpenStreetMap u Biełarusi z ruskaj na biełaruskuju movu.
Na hety momant, zhodna z unutranymi praviłami supolnaści, usie nazvy biełaruskich abjektaŭ zapaŭniajuć pa-rusku, ale nieŭzabavie ŭsio moža źmianicca.
OpenStreetMap (OSM) — heta papularnaja svabodnaja karta śvietu, jakaja vykarystoŭvajecca ŭ Facebook, Instagram, Organic Maps i šmatlikich inšych prahramach, miedyjnych, niekamiercyjnych i dziaržaŭnych ustanovach.
Kab uziać udzieł u hałasavańni, treba aŭtaryzavacca na wiki.openstreetmap.org i pakinuć svoj hołas u adpaviednym raździele na staroncy. Padlik hałasoŭ skončycca ŭ 23:59 7-ha kastryčnika 2022 h.
Rašeńnie budzie pryniataje, kali za jaho vykažucca 75% aktyŭnych udzielnikaŭ OSM u Biełarusi (aktyŭny ŭdzielnik — heta toj, chto redahavaŭ mapu nie mienš čym u troch roznych miesiacach za apošni hod na terytoryi Biełarusi).
