Znajści
Ałharytmičny łacinski varyjant
13.09.2022 / 22:4424RusŁacBieł

«Razvalili krainu, hieastratehi chieravy». Błohier Maksim Kac źviarnuŭsia da kiraŭnictva Rasii

U novym vypusku svajoj prahramy rasijski błohier Maksim Kac źviarnuŭsia z pramovaj da tych, chto staić na čale Rasii. Jon padrabiazna i vielmi jaskrava raspavioŭ im, u jaki žachlivy i navat žałobny stan jany pryviali svaju krainu. Pryvodzim jaho słovy sa skaračeńniami.

Pra kancylarskuju mol

Svaim nastupam Ukraina nastolki sprytna abviała vas vakoł palca, što heta ŭvojdzie ŭ padručniki pa vajskovym mastactvie ŭ hłavie «Jak vajavać z kancylarskaj mollu, što ŭjaviła siabie Banapartam».

Asnoŭnyja bajazdolnyja siły ŭ vas ciapier pamiž ukrainskimi vojskami i rakoj Dniapro na poŭdni. Nikudy jany adtul nie padzienucca i buduć kuryć bambuk, pakul USU vyzvalajuć horad za horadam na ŭschodzie.

Pra Zialenskaha

Z NATA jany źbiralisia vajavać. Zialenski im kłoŭn. Sami vy kłoŭny, hieastratehi chieravy. Pakul vy valizki za načalstvam nasili ŭ nadziei samim kaliści stać načalstvam, Zialenski na kankurentnym rynku stvaryŭ tvorčy kalektyŭ, jaki prynosić miljony dalaraŭ prybytku, a potym pieramoh na kankurentnych vybarach — pieramoh biez Pamfiłavaj, biez elektronnaha šmatdzionnaha hałasavańnia, bieź źniaćcia apanientaŭ i biez prymianieńnia palityčnych represij da niezadavolenych, pieramoh dziejnaha prezidenta. A ciapier nahinaje vas, majučy ŭtraja mienš nasielnictva i ŭ 10 razoŭ mienš hrošaj na vajnu.

Pra jakaść rasijskich vajskoŭcaŭ

Kim vy sabralisia vajavać z NATA? Niaščasnymi chłopcami z Daniecka i Łuhanska, jakich vy z vulic vykradajecie i na front u jakaści harmatnaha miasa kidajecie? Moža być, klijentami mikrafinansavych arhanizacyj z treciaha armiejskaha korpusa, jakija pa darozie na vajnu, mabyć, zajšli ŭ piŭny łarok i tak i nie dajechali? Ci moža być armijaj kryminalnikaŭ, pra bajavuju efiektyŭnaść jakich ničoha nie viadoma, zatoje dakładna viadoma, što chutka jany viernucca na rasijskija vulicy, i ŭsio heta bahaćcie budzie pad kamandavańniem inžyniera-budaŭnika Šajhu ŭ hienieralskim kicieli, jaki nie słužyŭ u armii?

Armija NATA prosta ŭ žachu ad takoj pierśpiektyvy, hienierały ź Pientahona biahuć užo.

16 «chimarsaŭ» spynili vaš nastup va Ukrainie. Darečy skazać, u adnoj tolki krainy NATA Rumynii hetych «chimarsaŭ« bolš za paŭsotniu.

Pra «ruski śviet»

Ukrainskich sałdat usiudy, kudy jany prychodziać, sustrakajuć jak hierojaŭ-vyzvalicielaŭ. I sustrakajuć nie tolki tamu, što jany svaje, nie tolki tamu, što pad svaim ściaham, a tamu što vy, nie dasiahnuŭšy nijakich pośpiechaŭ na frantach, atrymali zatoje pośpiech u terory, u palicejščynie, u raspravach, u štodzionnych vajennych złačynstvach.

Niama nijakich sumnievaŭ, što ŭ Daniecku i Łuhansku ŭkraincaŭ sustrenuć hetak ža. Tam ludzi nie paŭhoda, jany dziaviaty hod siorbajuć «ruski śviet» apałonikam. Na ich vačach paśpiachovyja pramysłovyja harady pieratvoranyja vami ŭ siaredniearyfmietyčnaje pamiž Samali i Paŭnočnaj Karejaj. Haleča, biaspraŭje, katavańni, razbureńni, a z pačatkam haračaj vajny jašče i prymusovaja mabilizacyja. Faktyčna masavaje zabojstva lubych mužčyn, jakich vy zmahli złavić.

Žycharam Daniecka i Łuhanska ŭžo dakładna nie treba tłumačyć, što budzie z tymi, chto pavieryć u «ruski śviet», što vy, vyradki, ź imi zrobicie. Što lubuju ziamlu, da jakoj dabieraciesia, vy pieratvorycie ŭ terytoryju biedstva, a ludziej — u raschodny materyjał.

Tak, hetyja vašyja «mobiki», padčyščanyja z vulic akupavanych haradoŭ i terytoryj, siońnia raźbiahajucca. A z čaho jany pavinny za vas vajavać? Vy razburyli ich žyćcio. Ale heta pačatak. Chutka jany masava buduć pierachodzić na ŭkrainski bok, da tych, chto niasie im mir.

Pra NATA i picierskuju namienkłaturu treciaha ešałona z ambicyjami impieratara hałaktyki

Hienierały NATA, jakija pradkazali padzieńnie Kijeva za 96 hadzin, sapraŭdy pasaromlenyja. U hetym vy ich pieramahli.

Jany nijak nie mahli ŭjavić, što vy takija astałopy, što niama miažy vašaj dehradanckaj daskanałaści, kali na čale vielizarnaj najbahaciejšaj krainy ŭstaje picierskaja namienkłatura treciaha ešałona z ambicyjami impieratara hałaktyki, jakaja nikoli ničym nie kiravała i nikoli nikudy nie abirałasia. Abasralisia.

Pra moc i paniku

Ciapier vy źniščajecie enierhietyčnuju infrastrukturu Charkava, Sum i Dniapra. Kab što? Kab pakazać lišni raz, jakija vy adbityja na ŭsiu hałavu płady blizkarodnasnych suviaziaŭ? Dyk ukraincy ŭ kursie. Vy Maryupal užo pieratvaryli ŭ ruiny, hora i razbureńnie za vami pa piatach chodziać. Ci vam realna zdajecca, što pahromam padstancyi vy moc pakazvajecie, a nie paniku?

Pra dvaccacihadovuju chłuśniu

Usia dvaccacihadovaja chłuśnia razam vylezła.

Dzie vaša raźviedka? Dzie amierykanskaja, my viedajem — jana siadzić nie dalej čym za paru mietraŭ ad Pucina, jana ŭsio viedała z kastryčnika.

A dzie ŭsie vašy FSB, HRU, SVR? Dzie ŭsie hetyja dziasiatki tysiač raskormlenych biudžetami hultajoŭ, jakija byli nie ŭ kursie realnych płanaŭ ukrainskaha kamandavańnia? Jany znoŭ dzielać adzin łožak u hateli, kab zekanomić kamandzirovačnyja ŭ apieracyi pa atručvańni čarhovaha voraha i zdradnika?

Što ž vam roŭna nie siadziełasia na dupie vašaj humavaj? Viedali ž, a kali nie viedali, to zdahadvalisia, napeŭna, što ŭsio heta — chłuśnia, što niama nijakaj armii. Niama nijakaj supierzbroi. Tanki Armata — heta prosta pratatyp dla paradaŭ, jaho na samaj spravie nie isnuje.

Na samaj spravie armija — heta nie vietlivyja ludzi ź siłaŭ śpiecyjalnych apieracyj (jakich, darečy, vy zahubili pad Kijevam jašče ŭ pieršy tydzień vajny). Armija — heta sklikanyja z samych žabrackich rehijonaŭ niaščasnyja junaki, jakim dziecca bolš niama kudy. Vy ž viedali, što rasijskija ŭzbrojenyja siły — heta litaralna mietafara ich ułasnych suchich pajkoŭ, kali ŭ pryhožaj skrynačcy ź simpatyčnym łahatypam— praterminavany paštet.

Kudy vy papierlisia z usim hetym? U čym byŭ płan? Płan byŭ unieści razład u kiraŭnictva NATA? Kab tyja hienierały i analityki, jakija ličyli vas nie takimi končanymi, stracili pasady za prafnieprydatnaść?

Chacieli vajavać jak Stalin? Trupami zakidać? Dyk kab vajavać jak Stalin, treba być jak Stalin. Treba stajać na čale tatalitarnaj krainy, jakoj miljon čałaviek pakłaści — heta jak paśniedać. A vy 10 000 adščapiencaŭ za 200 000 rubloŭ nie zmahli sabrać.

Leanid Parfionaŭ davoli daŭno dobra skazaŭ: jany chočuć kiravać jak Stalin, a žyć jak Abramovič. Takoha nie byvaje, žyviacie vy jak Abramovič tolki tamu, što pad vami pakul jašče cyvilizavanaja, kansiumierysckaja, atamizavanaja kraina.

Pra sapraŭdnych vorahaŭ

A kali ŭjavić, što ŭ Rasii jość sapraŭdnyja, a nie vydumanyja vami vorahi, jany mohuć prosta prychodzić i brać, što zachočuć. Bo Rasii niama čym abaraniacca: jaje armija hinie va Ukrainie.

Pra stračanyja mahčymaści

Dabudavali impieryju — stali satelitam Kitaja i Indyi. Ciapier, spadary makiedonskija, vam treba pamiatać prostuju reč: čym daŭžej budzie doŭžycca vajna, tym horšyja ŭmovy kapitulacyi ŭ joj buduć asabista dla vas. Nie dla krainy i nie dla sistemy, na jakuju vam plavać. A dla vas asabista. Tamu što chto apošni ŭciače z karabla, toj adkaža za ŭsio. Vy prasrali ŭsio — tryljony dalaraŭ biaspłatnaha naftahazavaha babła, šykoŭny ekanamičny rost na nizkaj bazie, mižnarodnaje stanovišča, dzie nichto vam nie pahražaŭ.

My mahli być kvitniejučaj krainaj, adnoj z najbujniejšych ekanomik śvietu, da nas mahli imknucca susiedzi, my mahli lepš za ŭsich lačyć, vučyć, rabić lepšyja IT-servisy i lepš za ŭsich u rehijonie, a potym i ŭ Jeŭropie žyć. Ni ŭ jakoj ułady ŭ Rasii ŭ historyi nie było takich «šakaładnych» umoŭ. Nijakaja ŭłada ŭ Rasii tak usio nie psavała.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
American/adkazać/
14.09.2022
Skažitie etomu błochieru čto sud́ba vsiech impierij eto razvał. rosijskaja už očień zadieržałaś s etim prociessom. skuliť po povodu płochich stratiehov nie znať istoričieskich prociessov. rasija nie mohła nie była i nie budiet proćvietajuŝiej stranoj ibo ona niesvobodna. jeje hraždanie raby upravlajemyje cariami i bojarami. ..
0
American/adkazać/
14.09.2022
rom, niet rosijskoho normalnoho mira. nikohda nie było i nie budiet. vy raby po naturie nienavidietie i priezirajetie vsie čto nievpisyvajetsia v vašie krivoje miroponimanije.   .
0
American/adkazać/
14.09.2022
rom, druhije na zapadie kryčať  - razvaliť Rasieju))
+++++++++++++++++++++++++
rosija dołžna razvaliťsia sama. impierii nie imiejut prava na suŝiestvovanije. tvoja rosijskaja užie pieriesidieła vsie vozmožnyje sroki. na zapadie nikto nie kričit razvaliť rosiju. im jeŝie niechvatało millionov ozłoblennych płochoobrazovannych biežienciev iz tvojej podvorotni...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera