Recept na vychadnyja. Sibas u koračcy z estrahonu — lohkaja i karysnaja viačera

Fota: BBC Food

Kab zhatavać sibasa ŭ koračcy z estrahonu, vam spatrebicca:

• 4 file sibasa (sa skurkaj)
• 40 hramaŭ masła
• 60 hramaŭ zdrabnionych kukuruznych šmatkoŭ ci zdrabnionaha suchoha piačeńnia (krekieraŭ)
• drobna parublenaja cedra adnaho limona
• sok pałovy limona
• 1 stałovaja łyžka parublenaha śviežaha estrahonu (ci 1 čajnaja łyžka sušanaha estrahonu)
• 40 hramaŭ ciortaha parmiezanu
• 200 hramaŭ śmiatany
• drobka cukru
• sol
• mołaty čorny pierac

1. Razahrejcie duchoŭku da 200 hradusaŭ. Vyścielicie blachu papieraj dla vypiakańnia.
2. Dobra prypraŭcie file sibasa z abodvuch bakoŭ sollu i piercam.
3. Rastapicie masła ŭ płoskaj patelni. Zdymicie z ahniu, dadajcie zdrabnionyja šmatki, cedru i pałovu estrahonu. Pieramiašajcie i adstaŭcie ŭ bok.
4. Raskładzicie na blachie pałovu sumiesi z estrahonam u vyhladzie čatyroch radoŭ. Pakładzicie na sumieś file skurkaj uniz i krychu pryciśnicie na siekundu. Pakryjcie kožnaje file reštkami sumiesi i pasypcie rybu parmiezanam. Vypiakajcie rybu 12—15 chvilin, pakul jana nie prapiačecca.
5. Kab zrabić sous, pieramiašajcie śmiatanu, reštki estrahonu, cukar i limonny sok, prypraŭcie sumieś sollu i piercam.
6. Padavajcie rybu z sousam i dolkami limona.

Recept na vychadnyja: karaleŭskaja vatruška

Fałafiel: vy dumajecie, što heta składana — ani!

Italjanskija vychadnyja: hatujem syrnuju łazańniu

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

2

0

0

0

1

0