Na Słonimščynie vialiki zubr patrapiŭ u bałotnuju pastku
Pra historyju z sumnym kancom paviedamlaje telehram-kanał «Biełaruś za MKADom».
Zdareńnie adbyłosia kala vioski Łapuchova Słonimskaha rajona. Tut u lesie kaliści zdabyvali torf, paśla čaho zastalisia hłybokija jamy, jakija z časam zabałocilisia i zaciahnulisia mocham. U adnu z takich jamaŭ patrapiŭ i zahruz u joj vializny zubr vahoj amal u paŭtony, jaki niemaviedama jakim čynam zabryŭ u hetyja miaściny.
Na žyviolinu, jakaja prabyła ŭ tvani kala tydnia, natknuŭsia miascovy laśnik. Aktyvisty Tavarystva palaŭničych i rybałovaŭ vyciahnuli zubra, jaki byŭ jašče žyvy. Ale pražyŭ jon paśla taho ŭsiaho dva dni. Śpiecyjalisty kanstatavali, što za tydzień znachodžańnia ŭ bałocie zubr atrymaŭ mocnaje pieraachaładžeńnie, da taho ž u jaho atrafiravalisia zadnija nohi.
Pastajanna zubry na Słonimščynie nie žyvuć, ale byvaje, što zachodziać siudy ź niedalokaj Biełaviežskaj puščy.
a stan ziamli na Uschodzie Ukrainy, za jakuju zaraz draka idzie nie na žart, časam nie niepakoić vas?
no on vam skažiet, čto on śviatoj)