Muzyku «Krambambuli» Uładzisłavu Pluščavu prysudzili dva hady kałonii
Uładzisłava Pluščava, muzyku hurtoŭ «Krambambula», ZET, «Pomidor/off» i «Hasta la Fillsta», asudzili na dva hady kałonii ahulnaha režymu. Taksama jon musić spłacić štraf u pamiery 6400 rubloŭ.
Uładzisłava sudzili adrazu pa troch artykułach KK Biełarusi: za publičnuju abrazu honaru i hodnaści; publičnuju abrazu pradstaŭnika ŭłady; niezakonny zbor infarmacyi ab pryvatnym žyćci.
Spravu razhladała sudździa Alena Bušava ŭ sudzie Frunzienskaha rajona Minska.
Taksama ŭ muzyki kanfiskavali aŭto.
Ułada zatrymali 12 krasavika, pad prymusam zapisali «pakajannaje» videa i asudzili na 25 sutak — za toje, što chadziŭ na maršy ŭ 2020-m i byŭ padpisany na «ekstremisckija» kanały. Pa zakančeńni sutak pradjavili abvinavačvańni pa kryminałcy, amal try miesiacy muzyka pravioŭ u turmie ŭ čakańni suda.
Uładzisłaŭ Pluščaŭ hraŭ u hurtach «Krambambula», ZET, Pomidor/off i Hasta la Fillsta.
