Recept na vychadnyja. Kleftyka — sakavitaja baranina z hrečaskim kałarytam

Fota: BBC Food

Kab zhatavać kleftyka, vam spatrebicca:

• baranina: 1 kumpiak abo łapatka (niedzie 2 kh miasa),
• aliŭkavy alej,
• pałova stałovaj łyžki sušanaha arehana,
• 2 zdrobnienyja łaŭrovyja listy,
• pałova hałoŭki časnaku,
• 800 hramaŭ bulby, narezanaj na kružki,
• 2 cybuliny, narezanyja na kružki,
• 4 drobna narezanyja śpiełyja pamidory,
• 1 pałačka karycy,
• kali žadajecie — niekalki halinak śviežaha arehana,
• sok adnaho limona,
• 250 mililitraŭ biełaha vina,
• marskaja sol i śviežazmołaty čorny pierac.

1. Pakładzicie baraninu ŭ vialikuju misku i palicie vialikaj kolkaściu aleju. Ščodra natrycie jaje sollu i piercam i prypraŭcie arehana i łaŭrovym listom. Ačyścicie dva zubki časnaku i razrežcie kožny ź ich na čatyry častki. Vostrym nažom zrabicie ŭ baraninie vosiem prakołaŭ i ŭtknicie ŭ ich časnok. Natrycie miasa travami i alejem, potym nakryjcie jaho i pastaŭcie ŭ chaładzilnik na noč.
2. Dastańcie baraninu z chaładzilnika za 30 chvilin da hatavańnia. Razahrejcie duchoŭku da tempieratury 160 hradusaŭ. Zaścialicie vialikuju formu papieraj dla vypiakańnia. Pierakanajciesia, što kavałak papiery dastatkova šyroki, kab pakryvać krai formy.
3. Zdrabnicie nieačyščanyja zubki časnaku, što ŭ vas zastalisia, ručkaj vialikaha naža. Pakładzicie ŭ formu dla zapiakańnia bulbu, cybulu, pamidory i časnok, dadajcie tudy ž pałačku karycy i halinki arehana, kali vy ich vykarystoŭvajecie.
4. Pakładzicie baraninu na harodninu i palicie jaje marynadam, što ŭtvaryŭsia ŭ miscy, dzie jana lažała. Vyciśnicie na miasa sok adnaho limona i vylicie na dno formy vino. Vaźmicie jašče adzin vialiki list papiery dla vypiakańnia i namačycie jaho pad pratočnaj vadoj. Prybiarycie lišniuju vadu i pakryjcie papieraj baraninu, pryciśnicie krai papiery miasam, kab papiera całkam pakryvaje baraninu. Pamiaścicie miasa ŭ duchoŭku i pakińcie jaho tam na čatyry hadziny, pakul jano nie pryhatujecca i nie stanie zusim miakkim.
5. Dastańcie miasa z duchoŭki i pakińcie jaho na dziesiać chvilin, a potym padavajcie z harodninaj i padlivaj z formy.

Recept na vychadnyja. Šviedskija frykadelki ŭ viarškovym sousie — znakamitaja strava skandynaŭskaj kuchni

Boršč z rybaj, chatniaja ražanka… Žančyna rodam z akupavanaha Maryupala źbierahaje tradycyjnyja recepty. Dla jaje heta akt supracivu

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

3

0

0

0

0

1