Ministr zamiežnych spraŭ Litvy: Pra zakančeńnie hetaj vajny možna abviaścić tolki ŭ Kijevie i na jaho ŭmovach
Prapanovy zachodnich palitykaŭ i ekśpiertaŭ addać častku terytoryi Ukrainy Rasii ŭ imia miru źjaŭlajucca niebiaśpiečnymi dla Litvy, ličyć ministr zamiežnych spraŭ Habryelus Łandśbierhis. Bo jany nie tolki narmalizujuć adnosiny z režymam Pucina, ale i narmalizujuć toje, što hety režym robić.
Habryelus Łandśbierhis. Fota: DELFI / Andrius Ufartas
«Heta vielmi mocny sihnał usim astatnim ahresaram, patencyjnym złačyncam, što kali ty ździajśniaješ złačynstva i ciabie nie źniščać na praciahu troch miesiacaŭ, to ŭsio ŭ paradku, usio moža tak i zastacca», — skazaŭ Łandśbierhis.
Zialenski prakamientavaŭ niadaŭni zaklik byłoha dziaržsakratara ZŠA Kisindžera addać Rasii častku Ukrainy. Pa słovach kiraŭnika litoŭskaj dypłamatyi, prapanovy pryznać častku terytoryi Ukrainy za Rasijaj nakiravanyja prosta na narmalizacyju toj situacyi, jakaja skłałasia.
«Mnie zdajecca, što heta vielmi niebiaśpiečnaja tendencyja. Z adnaho boku, pucinski režym, kirujučy siońnia ŭ Rasii, my nazyvajem režymam, jaki robić hienacyd — jon hatovy ścierci z abličča Ziamli ludziej tolki za toje, što jany naležać da toj ci inšaj nacyi. Lubaja narmalizacyja stasunkaŭ z hetym režymam mnie niezrazumiełaja.
Zajavy i Kisindžera, i inšych kiraŭnikoŭ dziaržaŭ u hetym kirunku ŭ korani nie adekvatnyja toj realnaści, jakuju my nazirajem siońnia», — skazaŭ Łandśbierhis.
Jon padkreśliŭ, što pra zakančeńnie hetaj vajny možna abviaścić tolki ŭ Kijevie i na jaho ŭmovach.
«Kijeŭ skaža, kali skončycca vajna i na jakich umovach. Ni adna zachodniaja dziaržava, ni adna inšaje dziaržava ŭ śviecie nie moža havaryć za ich, tamu što za hetuju vajnu ŭkraincy płaciać kryvioju.
My tolki apłačvajem rachunki, i niekatoryja navat nie vielmi vialikija. Niemahčyma, kab, pakryŭšy nievialiki rachunak, vy ŭziali na siabie adkaznaść za toje, kali skončycca vajna va Ukrainie», — skazaŭ litoŭski ministr.
Čytajcie taksama:
Italjanski premjer parazmaŭlaŭ z Pucinym praz telefon. Choć jašče miesiac tamu zajaŭlaŭ, što heta nie maje sensu
Kiraŭnica MZS Brytanii: Śviet nie pavinien paddavacca na šantaž Pucina
Kisindžer: Ukraina musić stać niejtralnaj dziaržavaj i admovicca ad častki terytoryj
