Znajści
Ałharytmičny łacinski varyjant
28.05.2022 / 10:20RusŁacBieł

Ź italjanskaj plitkaj, ułasnym SPA-kompleksam i liftam. Kolki kaštujuć i jak vyhladajuć samyja darahija katedžy Minska

Vyvučyli samyja darahija prapanovy siarod katedžaŭ u miežach Minska i 10 kiłamietrach ad MKAD.

Elitnyja kvatery daražejšyja za damy?

Samaja darahaja kvatera stalicy, vystaŭlenaja na prodaž, aceniena amal u dva miljony dalaraŭ, u toj čas jak samy darahi dom — usiaho ŭ 1,5 miljona.

Stolki prosiać za 4-uzroŭnievy dom u vioscy Baraŭlany Minskaha rajona. 

Dom pabudavany ŭ 2015 hodzie, mieścicca na ŭčastku ŭ 20 sotak. Ahulnaja płošča — 1000 m², žyłaja — 450. 

Na dvarovaj terytoryi jość valjer dla sabak, pamiaškańnie pad basiejn z čarnavym azdableńniem, navies na 4 aŭtamabili, vakoł doma vysadžany hazon. Taksama na ŭčastku možna zaŭvažyć ciaplicu i miesca, aharodžanaje pad hradki.

Na pieršym paviersie — vielizarnaja haścioŭnia, abiedziennaja zona i kamin, vychad na terasu, kabiniet, sanvuzieł z čarnavym azdableńniem. Na druhim paviersie čatyry spalni, dvie — z harderobnymi pakojami, dvie — z sanvuzłami. Na trecim uzroŭni zrobleny choł z kuchonnym abstalavańniem i jašče try spalni (adna z sanvuzłom), sanvuzieł dla haściej. 

Na mansardnym uzroŭni pakul ničoha niama, ciapierašnija haspadary miarkujuć, što tam moža być biblijateka, dziciačaja hulniavaja prastora, karcinnaja abo kvietkavaja halerei. Ci ŭ krajnim vypadku biljardavaja. Tak što samy darahi z vystaŭlenych na prodaž damoŭ u Biełarusi pakul kančatkova niedarobleny.

Dom akružany pryrodaj i pryvatnaj zabudovaj premijalnaj katehoryi

Druhi pa darahoŭli katedž Biełarusi pradajecca ŭ mikrarajonie Drazdy. Za dom na Załatym zavułku prosiać 1 450 000 $. Učastak usiaho 9 sotak. Ahulnaja płošča 548,6 m², žyłaja — 380 m².

«Dom akružany pryrodaj i pryvatnaj zabudovaj premijalnaj katehoryi, što dazvolić vam, znachodziačysia ŭ domie niedaloka ad centra stalicy, atrymać uvieś kamfort zaharadnaha žyćcia. Jakasny ramont vykanany z darahich sučasnych materyjałaŭ. Italjanskaja plitka, parkiet z masivu čyrvonaha i čornaha dreva, duba, jasienia. Aŭtarski dyzajn», — havorycca ŭ apisańni. 

U domie jość haścioŭnia z kuchniaj pamieram 88 m² — z kaminam i ŭsioj nieabchodnaj technikaj. Čatyry spalnyja pakoi, kožny ź jakich maje harderobnuju i kandycyjanier. 

Aproč hetaha, u katedžy jość sauna i basiejn. 

Dom ź liftam

Za amal 1,4 miljona dalaraŭ u Tarasavie pradajecca katedž ź liftam i ŭčastkam pamieram 15 sotak. Ahulnaja płošča doma 690 m², žyłaja — 270 mietraŭ. 

Na ŭčastku z łandšaftnym dyzajnam mieścicca asobny ad doma SPA-kompleks płoščaj 120 m² z basiejnam i saunaj.

Jość u hetym domie i spartyŭnaja zała z trenažorami firmy NordicTrack. Haraž z aciapleńniem, razietki na 380 volt dla zaradki elektramabilaŭ znachodziacca jak u haražy, tak i na parkoŭcy.

Pa pierymietry viadziecca videanazirańnie, jakoje praciahnie pracavać navat u vypadku adklučeńnia elektryčnaści ŭ rajonie, pakolki dom abstalavany krynicaj bieśpierabojnaha avaryjnaha zabieśpiačeńnia na 6 kVt.

«Vykanany dyzajnierski ramont z premijalnych jakasnych materyjałaŭ, mebla italjanskich vytvorcaŭ z zamoŭnych pazicyj, ubudavanaja technika i santechnika premium-kłasa. U domie jeść biasšumny lift niamieckaj vytvorčaści», — rekłamujuć uładalniki.

U katedžy jość dvuchuzroŭnievy pakoj. A taksama čatyry spalnyja pakoi, try harderobnyja, try sanvuzły i pralnia.

Dom raźmieščany ŭ cichim rajonie Minska

U samim Minsku, pa vulicy Rabińnickaj, vystaŭleny na prodaž dvuchpaviarchovy katedž za amal 1,3 miljona dalaraŭ. Ahulnaja płošča doma 2004 hoda pabudovy skaładaje 305 m², žyłaja 179 m², kuchnia maje davoli ścipłyja pamiery — usiaho 12,7 m².

U domie siem žyłych pakojaŭ, čatyry vannyja pakoi i sauna.

«Impartnaja santechnika i bytavaja technika, kandycyjaniery. Jość sauna z draŭlanaj kupiellu. Ubudavanyja šafy, harderobnaja. Ścieny pakojaŭ pafarbavanyja abo abklejenyja špalerami. Na ŭčastku jość vialikaja altanka ź miescam dla barbiekiu», —apisvajuć svoj dom haspadary.

Aproč asnoŭnaha doma, na ŭčastku pamieram 15 sotak mieścicca haściavy dom na 100 m². U im jość łaźnia, basiejn, kuchnia z haścioŭniaj i sanvuzieł.

Vysadžana bolš za 150 raślin

Čarhovy dom sa śpisu samych darahich znoŭ pradajecca ŭ Tarasavie. Za katedž z učastkam 16,45 sotki, jaki znachodzicca ŭ pryvatnaj ułasnaści, prosiać 1 280 000 dalaraŭ. 

Za hetyja hrošy vy možacie nabyć dom ahulnaj płoščaj 523,5 m², z saunaj i basiejnam na cokalnym paviersie i haražom na dva aŭto.

Na pieršym paviersie raźmieščana prastornaja zała z kaminam, jakaja składaje adzinuju prastoru z kuchniaj i stałovaj. Ahułam u domie šeść pakojaŭ, čatyry ź ich — spalni.

Haspadar adznačaje, što dom pabudavany pa aryhinalnym prajekcie, a śviežy ramont vykanany ź jakasnych materyjałaŭ. 

Na učastku zrobleny łandšaftny dyzajn i vysadžana bolš za 150 raślin.

Ahułam u Minsku i 10-kiłamietrovym radyusie ad MKAD pradajecca 14 damoŭ koštam bolš za miljon dalaraŭ.

Čytajcie taksama:

Kolki kaštujuć i jak vyhladajuć samyja darahija kvatery Minska

Kolki kaštujuć i jak vyhladajuć samyja darahija kvatery abłasnych centraŭ? Interjer niekatorych vas urazić

Ad 29 tysiač dalaraŭ. Jak vyhladajuć i kolki kaštujuć samyja tannyja kvatery Minska

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera