Padalak Kisindžeru: Nam niama kali słuchać «davoskich panikioraŭ»
Daradca kiraŭnika Ofisa prezidenta Ukrainy Michaił Padalak adreahavaŭ na prapucinskuju prapanovu byłoha dziaržsakratara ZŠA, vykazanuju na Davoskim forumie.
Michaił Padalak
«Hetak ža lohka, jak spadar Kisindžer prapanuje addać Rasii častku Ukrainy, jon dazvoliŭ by zabrać Polšču abo Litvu. Dobra, što va ŭkraincaŭ u akopach niama času słuchać parady «davoskich panikioraŭ». Trochi zaniatyja, abaraniajem svabodu i demakratyju», — napisaŭ Padalak u Tvitary.
Nahadajem, što amal 99-hadovy były dziaržsakratar ZŠA, vystupajučy na ekanamičnym forumie ŭ Davosie, zaklikaŭ Zachad spynić sproby nanieści poŭnaje paražeńnie rasijskim siłam va Ukrainie, a samu Ukrainu — pajści na terytaryjalnyja sastupki na karyść Rasii.
Bo, maŭlaŭ, Rasija była nieadjemnaj častkaj Jeŭropy na praciahu čatyroch stahodździaŭ i zabiaśpiečvała jeŭrapiejski bałans sił u krytyčnyja momanty. Tamu jeŭrapiejskija lidary pavinny hladzieć na doŭhaterminovuju pierśpiektyvu i nie ryzykavać padšturchnuć Rasiju da jašče bolšaha zbližeńnia z Kitajem.
Čytajcie taksama:
Kisindžer: Ukraina musić stać niejtralnaj dziaržavaj i admovicca ad častki terytoryj
