Uvieś śviet ablacieła hetaje fota abaroncy Maryupala. Raspaviadajem, chto jon
Pra heta stała viadoma z sacsietak.
Fota pałonnaha abaroncy Maryupala Michaiła. Krynica: rasijskija ŚMI
U internecie źjavilisia foty pałonnaha abaroncy Maryupala. Paranienaha, jaho viaduć pad kanvojem. My daviedalisia, chto hety čałaviek.
Sapraŭdnaje imia — Michaił Dzijanaŭ. Miarkujučy pa sacsietkach, mužčynie spoŭniłasia 42 hady ŭ sutareńniach «Azoŭstali». Jon pajšoŭ słužyć u armiju padčas pieršaha etapu rasijska-ŭkrainskaj vajny, jakaja pačałasia viasnoj 2014 hoda.
Michaił u šerahach armii, sakavik 2015 hoda.
Sa staronak u sacsietkach mužčyny my daviedalisia, što sam jon rodam ź Ciarnopala. Žanaty, maje niepaŭnaletniuju dačku.
Da ŭstupleńnia ŭ šerahi armii mužčyna byŭ prafiesijnym muzykam. Jon hraje na hitary i fartepijana.
Michaił u 2012 hodzie.
Ciapier Michaił, jak i bolej za try tysiačy abaroncaŭ Maryupala, trapiŭ u pałon. Ukrainski bok spadziajecca na ich abmien.
