Znajści
Ałharytmičny łacinski varyjant
11.05.2022 / 21:32RusŁacBieł

«Ceny vyraśli na 30—50%, novyja mašyny praktyčna nie pastaŭlajuć». Što adbyvajecca na aŭtarynku

Siarod novych aŭto, pradavanych u Biełarusi, 85—90% składali aŭtamabili rasijskaj vytvorčaści ci zborki. Sankcyi ŭ dačynieńni da Rasii pryviali da poŭnaha albo častkovaha spynieńnia vytvorčaści na tych zavodach. «Naša Niva» raźbirałasia, jak heta paŭpłyvała na biełaruski aŭtamabilny rynak.

Prodažy ŭpali bolš, čym u 4 razy

U sakaviku 2022 hoda ŭ Biełarusi było pradadziena mienš za 3000 novych aŭtamabilaŭ, choć hodam raniej za pieršy miesiac viasny dylery pradali 4271 aŭto. U krasaviku 2022 hoda padzieńnie stała jašče bolš prykmietnym, za miesiac dylery realizavali ŭsiaho kala 900 aŭtamabilaŭ suprać 4291 aŭto ŭ krasaviku 2021-ha.

Bolš, čym čatyrochrazovaje padzieńnie prodažaŭ vyklikana značnym rostam cen z pryčyny deficytu novych aŭto. Šerahu madelaŭ užo niama ŭ najaŭnaści, a kupić aŭtamabil pad zakaz u bolšaści vypadkaŭ niemahčyma, bo zavody ŭ Rasii prypynili svaju pracu.

Čałaviek, blizki da Biełaruskaj aŭtamabilnaj asacyjacyi, raskazaŭ «Našaj Nivie», što bolšaść dyleraŭ schilnyja mierkavać, što takaja składanaja situacyja na biełaruskim rynku novych aŭto pradoŭžycca jak minimum da vosieni.

Zamović aŭtamabil niemahčyma

«Na hety momant dylery pracujuć z reštkami, novyja aŭtamabili na składy nie pastupajuć, bo zavody ŭ Rasii nie pracujuć, a dola aŭtamabilaŭ, impartavanych ź Jeŭropy, zaŭsiody była vielmi nizkaj. Ceny na mašyny ŭ najaŭnaści značna vyraśli, u zaležnaści ad marki i madeli rost skłaŭ ad 30 da 50% u dalaravym ekvivalencie. Naprykład, da vajny VW Polo kaštavaŭ kala 15 000 dalaraŭ, a ciapier — ad 20 000 $ (51,7 tysiačy rubloŭ). Na bolš darahich viersijach roźnica pamiž davajennaj i ciapierašniaj canoj tolki pavialičvajecca», — pryvodzić prykład surazmoŭca.

Infarmacyja ab cenach i kolkaści aŭtamabilaŭ VW, jakija ŭ najaŭnaści, raźmieščana na aficyjnym sajcie dylera. Tak, u Biełarusi jość 87 VW Polo, pa 4 Taos i Tiguan, a taksama 1 Touareg.

Skrynšot: Volkswagen-minsk.by

Pry hetym Polo pa zajaŭlenaj na sajcie canie dastupnyja nie va ŭsich aŭtasałonach. U niekatorych dyleraŭ samy tanny VW Polo kaštuje bolš za 54 000 rubloŭ (kala 21 000 $). Atrymać aŭtamabil pad zakaz niemahčyma, achvotnym daviadziecca vybirać z taho, što jość u najaŭnaści.

Renault Sandero skončylisia

Niedachop aŭtamabilaŭ nazirajecca i ŭ Renault. Naprykład, Sandero Stepway užo skončylisia. Kali madel znoŭ źjavicca i ci źjavicca naohuł, pradaŭcy skazać nie mohuć. Pryčyna taja ž — zavody ŭ Rasii nie pracujuć. Kupla aŭto pad zakaz niemahčymaja.

fota: skrynšot z sajta renault.by

Samy tanny Renault Logan Stepway pradajecca za 37 900 rubloŭ (kala 14 650 $), da vajny takija aŭto kaštavali kala 10 000 dalaraŭ. Renault Logan Stepway ŭ kamplektacyi Evolution kaštuje amal 20 tysiač dalaraŭ (51 400 rub). Usiaho ŭ Biełarusi zastałosia 26 Logan Stepway.

Z kamiercyjnym transpartam u Renault situacyja jašče składaniejšaja. Z vaśmi pradstaŭlenych viersij Renault Master, u Biełarusi dastupnyja tolki try.

Skrynšot: renault.by

Samaja tannaja Lada kaštuje bolš za 13 000 dalaraŭ

Jak vyśvietliłasia, prablemy z vytvorčaściu nazirajucca nie tolki z aŭto zamiežnych marak, vypusk jakich naładžany ŭ Rasii, ale i z rasijskaj Lada.

Na siońnia samaja «tannaja» Lada Granta dastupnaja za 34 740 rubloŭ (kala 13 400 $). Stolki kaštuje aŭtamabil z AKPP. Granta ŭ bolš dastupnych kamplektacyjach u hetaha dylera nie zastałosia. Kali buduć novyja pastaŭki, a taksama kolki buduć kaštavać hetyja aŭto, pradaŭcy skazać nie mohuć. Taksama da kanca nie viadoma, što budzie z kamplektacyjami, pakolki z-za niedachopu zamiežnych kampanientaŭ, rasijskija aŭtavytvorcy iduć šlacham spraščeńnia i biez taho prostych aŭto. U samoj Rasii vytvorčaść «Ład» u krasaviku skaraciłasia na 78% proci minułaha hoda.

Inšyja dylery majuć u najaŭnaści Lada Granta ź miechaničnaj karobkaj pieradač, cana takoha aŭto składaje 33 900 rubleŭ (kala 13 200 $).

Fota: skrynšot z sajta lada.by

A što jość u najaŭnaści? Vesta Classic biez kandycyjaniera pradajecca za 35 500 rubloŭ (kala 13 700$), u bolš bahataj kamplektacyi z kandycyjanieram — za 37 860 rub. (14. 600 $).

Cana na Vesta SW u kamplektacyi Comfort składaje 39 900 rub. (kala 15 500 $).

Ceny na Lada Largus Sross startujuć ad 47 980 rubloŭ (kala 18 700 $).

Supracoŭnik adnaho z dyleraŭ ličyć, što mienavita situacyja z prypynieńniem vytvorčaści aŭtamabilaŭ akazvaje najbolšy ŭpłyŭ na rost cenaŭ i skaračeńnie kolkaści prodažaŭ.

«My majem situacyju, kali, z adnaho boku, ludzi nie nadta hatovyja kuplać mašyny pa takich cenach, jak jość. A z druhoha, my majem pradaŭcoŭ, jakija nie bačać sensu ci prosta nie mohuć ich źnižać. Takija pavodziny dyleraŭ lohka rastłumačyć. Chtości zakupiŭsia tavaram, kali byŭ skačok kursaŭ, tamu vymušany trymać canu, a inšyja mohuć prosta nie chacieć źnižać canu praz toje, što novych mašyn u bližejšy čas usio roŭna nie pastupić, a značyć, śpiašacca niama kudy. Zavody ŭ Rasii albo zusim stajać, albo adhružajuć raniej vyrableny tavar, jaki taksama chutka skončycca.

Składskija zapasy abmiežavanyja, kali zavody adnoviać pracu — nieviadoma, roŭna, jak nieviadoma, pa jakich cenach buduć hetyja aŭtamabili. Tamu dylery praciahvajuć pradavać mašyny pa takich cenach, jakija my nazirajem ciapier. Fizičnyja asoby pa takim prajsie praktyčna ničoha nie kuplajuć, ale jość jurydyčnyja asoby, jakija ŭsio roŭna buduć nabyvać peŭnuju častku aŭto. Tamu kolkaść madelaŭ aŭtamabilaŭ, jakija možna kupić novymi ŭ Biełarusi, u bližejšy čas praciahnie skaračacca», — upeŭnieny surazmoŭca.

Z Geely nie ŭsio tak kiepska, ale jość niuans

Na fonie rasijskich aŭtavytvorcaŭ značna lepš vyhladaje biełaruska-kitajski Geely. Pa słovach surazmoŭcy, zavod praciahvaje pracavać, choć i adčuvaje peŭnyja prablemy z pastaŭkaj kamplektujučych, tamu nie moža pracavać tak, jak chaciełasia i na ŭsie 100 pracentaŭ zabiaśpiečvać popyt na aŭtamabili — a popyt jość nie tolki ŭ Biełarusi, ale i ŭ RF. 

Skrynšot: geely.by

Havoračy pra Geely ŭ biełaruskim kantekstie, taksama varta adznačyć, što na biahučy momant biełaruska-kitajski vytvorca prapanuje tolki try madeli aŭto. Samaja tannaja ź ich — Geely Coolray, koštam ad 73 900 rubleŭ (kala 28 500 $). Z najaŭnaściu i vybaram prablem niama. Taksama dla kupli aŭto biełaruskaj vytvorčaści možna skarystacca lhotnymi ŭmovami kredytavańnia abo lizinhu. 

«Našu Nivu» finansujuć jaje čytačy — padtrymać prosta

Čytajcie taksama:

U Litvie ŭtraja ŭźniali ceny na strachoŭki dla aŭtamabilaŭ na biełaruskich i rasijskich numarach

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031