U Minsku prajšło niešmatludnaje prarasijskaje šeście «ŭ padtrymku baraćby z nacyzmam»
U Minsku nievialikaja kupka ludziej ź dziaržaŭnymi, savieckimi i rasijskimi ściahami u subotu chadziła pa horadzie i kryčała «Za Danbas». Adna z udzielnic padčas strymu abražała i pasyłała ŭsich, chto vykazvaŭ supraćlehłaje mierkavańnie. Videa apublikavaŭ błohier Anton Matolka.
Za niekalki dzion da taho ŭ akaŭncie Alaksandra Płavinskaha, viadomaha svaimi antyhistaryčnymi knižkami pra Kurapaty, źjaviłasia abviestka, u jakoj zaklikałasia akurat u hety čas vyjści na «šeście ŭ padtrymku baraćby z nacyzmam». Treba dumać, heta jano i było.
Siłaviki na akcyju nijak nie reahavali. U toj ža čas biełaruskija ŭłady ŭsialak sprabujuć dakazać, što jany suprać vajny, ale tych, chto padtrymlivaje Ukrainu, zatrymlivajuć i kidajuć u niečałaviečyja ŭmovy, a ŭ kabinietach HUBAZiKa visiać simvały rasijskaj vajennaj ahresii.
