U Rasii zaviali kryminalnuju spravu ab reabilitacyi nacyzmu suprać hulca «Što? Dzie? Kali?» Raŭšana Askierava
Śledčy kamitet Rasii raspačaŭ suprać žurnalista i hulca ŭ «Što? Dzie? Kali?» Raŭšana Askierava kryminalnuju spravu ab reabilitacyi nacyzmu.
Pavodle viersii śledstva, Askieraŭ «nie paźniej za 6 krasavika 2022 hoda» apublikavaŭ u svaim fejsbuku zahadzia iłžyvyja źviestki, jakija abražajuć i haniać pamiać vialikaha rasijskaha pałkavodca i abaroncy Ajčyny maršała Savieckaha Sajuza Hieorhija Kanstancinaviča Žukava».
«Śledčy kamitet zaŭsiody budzie pryncypova i žorstka reahavać na lubyja sproby apahanić abo źniavažyć śvietłuju pamiać ab abaroncach Ajčyny, niahledziačy na status i sacyjalnaje stanovišča datyčnych da takich złačynstvaŭ asob», — havorycca ŭ pres-relizie viedamstva.
Askieraŭ u sacsietkach nazvaŭ pałkavodca «maradzioram sa stažam», «zabojcam u pahonach» i «zładziužkaj».
