Žančynie, jakuju zatrymali za syna-anarchista, prysudzili try hady «chimii»
Z zały suda adpuścili 56-hadovuju Hajane Achcijan — maci anarchista Ramana Chaliłava, jaki vyjechaŭ ź Biełarusi ŭ 2019 hodzie.
Z zały suda adpuścili 56-hadovuju Hajane Achcijan — maci anarchista Ramana Chaliłava, jaki źjechaŭ ź Biełarusi ŭ 2019 hodzie, paviedamlaje telehram-kanał Antona Matolki.
U śniežni 2021 hoda Hajane Achcijan aryštavali na 10 sutak za niepadparadkavańnie milicyi, a zatym abviaścili padazravanaj pa spravie ab hrubym parušeńni paradku i pieraviali ŭ CIP na Akreścina.
Tady ž u prapahandysckich telehram-kanałach źjaviłasia videa pieratrusu, dzie Achcijan staić na kaleniach u atačeńni milicyi i nibyta pryznaje svaju vinu. Adnak, pa słovach Chaliłava, analiz zapisu pakazvaje, što pryznańnie jaho maci było zmantavanaje.
Ciapier ža stała viadoma, što Achcijan prysudzili da troch hadoŭ z nakiravańniem u papraŭčuju ŭstanovu (h.zv. chimii) i adpuścili ŭ zale suda.
Čytajcie taksama:
«Pišuć, što heta pomsta». Zaviali spravu na biełaruskaha anarchista, a pasadzili jaho maci
