Za try tydni rasijska-ukrainskaj vajny ŭ Hruziju vyjechali amal 16 tysiač biełarusaŭ
Paśla pačatku rasijskaha ŭvarvańnia va Ukrainu vialiki patok biełarusaŭ pajšoŭ u Hruziju. Pra heta zajaviŭ ministr unutranych spraŭ krainy Vachtanh Hamiełaury, paviedamlaje «Hruzija-Naviny».
Fota: Mostafa Meraji, unsplash.com
Z 24 lutaha pa 16 sakavika ŭ Hruziju zajechali 30 439 hramadzian Rasii, ź jakich 17 801 čałaviek užo pakinuŭ krainu. Što tyčycca hramadzian Ukrainy, to z hetaj krainy vialiki prytok u Hruzii nie fiksujecca.
Hamiełaury adznačyŭ, što ŭ Hruziju stali čaściej zajazdžać mienavita hramadzianie Biełarusi, a nie Rasii. Raniej ministr užo kazaŭ, što kolkaść tych, chto pryjazdžaje z Rasii, — u miežach tych ličbaŭ, što fiksavalisia da pandemii.
«Z boku biełaruskich hramadzian pryrost našmat bolšy. Z momantu pačatku vajny da ŭčorašniaha dnia zajechali 15 777 čałaviek, kali ŭ toj ža čas u 2019 hodzie — 1678 čałaviek», — skazaŭ Hamiełaury.
Čytajcie taksama:
«Lepš budu žyć u hruzinskaj vioscy, čym u biełaruskaj turmie»
«Situacyja blizkaja da kałapsu». Znajści žytło ŭ Tbilisi ŭžo amal niemahčyma
