Jak treba charčavacca, kab pravilna stareć
Treba zusim troški źmianić svaje charčovyja zvyčki, kab źnizić ryzyku šmatlikich chvarob, źviazanych sa stareńniem. Dobra, što nikoli nie pozna heta zrabić.
Fota: depositphotos.com.
Voś z čaho varta pačynać.
Minimizujcie spažyvańnie kiłbas, sasisak i viandlin
Niekalki daśledvańniaŭ pakazali, što isnuje suviaź pamiž užyvańniem apracavanaha miasa i drennym stanam zdaroŭja, piša New York Times.
Harvardskija navukoŭcy vyśvietlili, što ŭžyvańnie adnoj porcyi praduktaŭ z apracavanaha miasa (naprykład, biekonu, sasisak i šynki) kožny dzień źviazanaje z pavyšeńniem ryzyki sardečnych chvarob na 42%. Niebiaśpieka dyjabietu pry hetym, jak mierkavana, ŭzrastaje na 19%.
Jašče adna praca źviazała apracavanyja miasnyja pradukty z pavyšeńniem niebiaśpieki raku kišečnika.
Ježcie siniuju ježu (i pradukty inšych koleraŭ).
Supierpraduktaŭ ź niejkimi mahičnymi zdolnaściami palepšyć zdaroŭje nie isnuje, ale ž jość pradukty, jakija adnaznačna karysnyja dla racyjonu. Siarod ich — čarnicy, durnicy dy inšyja jahady. Adno daśledavańnie vyśvietliła, što kali jeści kožny dzień ekvivalent adnaho stakana čarnic, heta dapamoža źnizić kryviany cisk.
Fota: depositphotos.com.
Bolšaść z nas nie moža sabie takoje dazvolić, ale tady treba dadavać u racyjon inšuju ciomnuju harodninu i sadavinu — naprykład, višniu i špinat. U takich praduktach šmat charčovych rečyvaŭ, klatčatki i karatenoidaŭ.
Nie ježcie čypsaŭ i batončykaŭ
Jak zrazumieć, što ježa apracavanaja? Dobry indykatar — takija pradukty pradajucca ŭ mahazinie ŭžo zapakavanymi. Heta čypsy, zamarožanaja picca, šakaładnyja batončyki i h.d.
Ale ž jość i vyklučeńni — niekatoryja karysnyja pradukty nielha pradavać biez upakoŭki. Naprykład, heta arechi, jajki, małako i aliŭkavy alej.
Vyvučycie praviła adnaho inhredyjenta
Kali ŭ zapakavanaj ježy jość tolki adzin inhredyjent (naprykład, farš ź miasa indyčki), chutčej za ŭsio, heta karysny pradukt.
Nie złoŭžyvajcie vitaminnymi dadatkami dla ježy
Usio bolš daśledavańniaŭ raźvienčvajuć karyść pryniaćcia charčovych dadatkaŭ. Najlepšaja parada — vydatkujcie hrošy, jakija vy płanavali patracić na dadatki, na novuju paru krasovak, abaniemient u trenažornuju zału ci smačny zdarovy abied dla siabie i blizkich. Usie hetyja rečy, chutčej za ŭsio, pryniasuć bolš karyści vašamu fizičnamu i psichičnamu zdaroŭju, čym karobka aptečnych vitaminaŭ.
Čym najlepš zapivać pončyki, kab nie nabrać vahu? Tolki nie kavaj
Pra infarkt pa punktach. Vy pavinny heta viedać, kab zdoleć vyratavać blizkaha
