Na trasie M1 u avaryju patrapiŭ aŭtobus Ecolines
Spačatku pisali, što aŭtobus, jaki jechaŭ z Varšavy ŭ Minsk, pierakuliŭsia, ale na samaj spravie jon tolki źjechaŭ na ŭzbočynu.
Telehram-kanał @nashaniva atrymaŭ videa z trasy i pa im vidać, što avaryja nie takaja surjoznaja, jak padavałasia.
Vidavočca piša:
«Aŭtobus nie pierakuleny. Staić mocna nachileny. Ludziej na vulicy niama. Niekalki mašyn DAI. Aŭtamabilaŭ chutkaj niama. Na darozie pieramioty, składanyja ŭmovy nadvorja, mocny bakavy paryvisty viecier. Hałalod u niekatorych miescach. Śpiectechniki na ŭčastku M1 ad Biarozy da Baranavič nie nazirałasia».
U kampanii «Ekałajns» adkazali, što nijakich kamientaroŭ pa situacyi nie dajuć.
Paźniej źjaviłasia aficyjnaja infarmacyja ad UUS Bresckaha abłvykankama. Aficyjny pradstaŭnik Natalla Milukova skazała:
«Siońnia na 208-m km u Baranavickim rajonie adbyłosia DTZ z udziełam turystyčnaha aŭtobusa marki Setra, jaki ruchaŭsia pa maršrucie Varšava — Minsk z boku Bresta. Padčas ruchu kiroŭca 1970 hoda naradžeńnia, žychar stalicy, nie spraviŭsia z kiravańniem i źjechaŭ u kiuviet. Aŭtobus nie pierakuliŭsia. U sałonie akramia, kiroŭcy, znachodziłasia 25 čałaviek, paciarpiełych niama».
Firma, jakaja arhanizavała pajezdku, adpraviła pa pasažyraŭ inšy aŭtobus.