Urahan paškodziŭ histaryčnuju katedru ŭ Mahilovie. Biskup Jašeŭski źviartajecca z prośbaj ab dapamozie ŭ adnaŭleńni śviatyni
14 studzienia mocny viecier paškodziŭ budynak histaryčnaj katedry — kaścioła Uniebaŭziaćcia Najśviaciejšaj Panny Maryi i śviatoha Stanisłava ŭ Mahilovie. Dapamožny biskup Alaksandr Jašeŭski prosić viernikaŭ i ŭsich nieabyjakavych ludziej dapamahčy ŭ adnaŭleńni paškodžanaj stychijaj histaryčnaj mahiloŭskaj katedry.
«Šanoŭnyja braty i siostry ŭ Chryście, ludzi dobraj voli! Siońnia, 14 studzienia, u horadzie Mahilovie mocny ŭrahan uźniščyŭ častku dachu staražytnaj śviatyni Uniebaŭziaćcia Najśviaciejšaj Panny Maryi.
U hetuju ciažkuju chvilinu źviartajusia da vas z prośbaj ab dapamozie ŭ adnaŭleńni doma Pana. Svaimi siłami parafija nie spravicca.
Choć jašče nie viedajem košt strat, raspačynajem zbor srodkaŭ na adnaŭleńnie paškodžanaj urahannym vietram śviatyni. Usim ludziam dobraj voli składaju padziaku. Niachaj Dobry Boh uznaharodzić za kožnuju dapamohu!» — cytuje biskupa Jašeŭskaha catholic.by.