Pres-sakratarka Łukašenki Ejsmant abviaściła «eru biesprecedentnaj adkrytaści»
Pra heta jana zajaviła ŭ efiry BT, kamientujučy kamunikacyju Łukašenki z žurnalistami.
«Prezident nastrojeny razmaŭlać z usimi. U nas jość absalutna vyrazny płan praciahvać hetuju pracu niahledziačy ni na što. Tamu što nam važna hučać va ŭsich rehijonach i va ŭsich krainach. I my budziem vyłučać na heta čas. My ŭstupili ŭ eru biesprecedentnaj adkrytaści», — zajaviła pres-sakratarka.
Nahadajem, situacyja ŭ biełaruskaj žurnalistycy krytyčna pahoršała. Miedyja i žurnalisty sutyknulisia ź biesprecedentnaj chvalaj represij.
Bolš za 500 razoŭ paśla vybaraŭ siłaviki zatrymlivali žurnalistaŭ, bolš za 130 kalehaŭ byli asudžanyja da administracyjnaha aryštu. 68 kalehaŭ zaznali hvałt abo byli paranienyja. Bolš za 60 pradstaŭnikoŭ miedyjaŭ znachodziacca pad kryminalnym pieraśledam.
Dziasiatki miedyjaarhanizacyj likvidavanyja abo znachodziacca ŭ stadyi likvidacyi, infarmacyjnaja pradukcyja masava pryznajecca ekstremisckaj z zabaronaj jaje raspaŭsiudu.
Ejsmant: Łukašenka hatovy da dyjałohu z pradstaŭnikami apazicyi, jakija žyvuć u Biełarusi i nastrojenyja patryjatyčna
