U minskich kinateatrach nie buduć pakazvać «Spakusu» Poła Vierchoviena
Jak paviedamlaje telehram-kanał «Afiša», prakatčykam pryjšoŭ list ź Ministerstva kultury ź infarmacyjaj pra admienu pakazaŭ eratyčnaj dramy Poła Vierchoviena «Spakusa».
Stužka Poła Vierchoviena pavinna była vyjści jašče ŭ kastryčniku. Ale jaje premjeru pieranieśli na niavyznačany termin, krychu paźniej film zabaranili da pakazu ŭ Rasii. U Biełarusi ž jašče ŭčora kinastužka była ŭ raskładzie kinateatraŭ.
I ŭsio ž, vidać, było pryniata kančatkovaje rašeńnie film minskim hledačam nie pakazvać.
Stužka raskazvaje pra žyćcio ŭ žanočym manastyry ŭ Italii epochi Adradžeńnia, u centry siužetu — pałkaje kachańnie manaški Bieniedety Karlini da adnoj z pasłušnic i kanflikt, unutrany i źniešni, narodžany hetymi abstavinami.
Film skandalnaha režysiora ŭdzielničaŭ u sioletnim Kanskim kinafiestyvali, praŭda, nivodnaha pryza nie atrymaŭ.
