Ad advakackaj dziejnaści adchilili Jaŭhiena Pylčanku. Viktar Babaryka zastaŭsia biez advakataŭ
Pra heta napisaŭ u svaim fejsbuku jaho kaleha Dźmitryj Łajeŭski.
20 kastryčnika Miniust raspačaŭ dyscyplinarnuju vytvorčaść suprać pamočnika pa abaronie Viktara Babaryki i Maksima Znaka — advakata Jaŭhiena Pylčanki. Hetym ža zahadam jon adchileny ad advakackaj dziejnaści.
Jon nahadaŭ, što tydzień tamu ad ažyćciaŭleńnia advakackaj dziejnaści adchilenaja abaronca Viktara Babaryki Natalla Mackievič, a sam Łajeŭski byŭ pazbaŭleny statusu 9 lipienia, praz try dni paśla abviaščeńnia prysudu ŭ dačynieńni da Viktara Babaryki, jakoha asudzili na 14 hadoŭ.
Inšy advakat, Alaksandr Pylčanka, byŭ pazbaŭleny statusu amal roŭna hod tamu.
«Ciapier Viktar Babaryka pazbaŭleny mahčymaści atrymlivać jurydyčnuju dapamohu ad abranych im abaroncaŭ. Zdajecca, kamientary zališnija», — dadaŭ Łajeŭski.
