Pucin abmierkavaŭ z Radaj biaśpieki Rasii biaśpieku Sajuznaj dziaržavy. Zatym stała viadoma, što Łukašenka palacieŭ u Sočy
Pucin abmierkavaŭ z Radaj biaśpieki Sajuznuju dziaržavu.
Jak paviedamiła pres-słužba Kramla, hetuju temu prapanavaŭ Pucin.
Jon adznačyŭ, što skončyŭsia surjozny pieramoŭny pieryjad ź Biełaruśsiu z nahody paramietraŭ dalejšaha budaŭnictva Sajuznaj dziaržavy.
«Jość tam i pytańni, jakija tyčacca zabieśpiačeńnia biaśpieki našych krain u śviecie, što tak chutka źmianiajecca. Tamu prapanuju siońnia abmierkavać mienavita hetuju temu», — skazaŭ Pucin.
Paźniej rasijskija ŚMI paviedamili, što Łukašenka palacieŭ u Sočy z pryvatnym vizitam.
Nijakaj infarmacyi pra pajezdku Alaksandra Łukašenki ŭ Sočy ŭ biełaruskich aficyjnych ŚMI niama.
Rasijskija infarmahienctvy pišuć, što Alaksandr Łukašenka «prylacieŭ adpačyć u dom adpačynku, jaki jon vykarystoŭvaje jak svaju rezidencyju».
