Zatrymali minimum 14 rabočych, jakija zajaŭlali pra strajk
Na hety momant «Viaśnie» viadomyja proźviščy jak minimum 14 zatrymanych z «Hrodna Azota», BMZ i Biełaruskaj čyhunki.
Na fota zatrymany Alaksandr Hašnikaŭ
Heta Siarhiej Šelest, Andrej Pahieryła, Uładzimir Žuraŭka, Valancin Cieranievič, Ryhor Ruban, Vadzim Jafimienka, Dźmitryj Iljuščanka, Alaksandr Hašnikaŭ, Hanna Abłab, Siarhiej Dziuba, Arciom Ruban, Alaksiej Sidar, Śviatłana Zyl i Matviej Viedzianiejeŭ.
Pravaabaroncam pakul nieviadoma, što staviać u vinu zatrymanym.
Siońnia Łukašenka, prymajučy z dakładam ministra pramysłovaści Piatra Parchomčyka i vice-premjera Juryja Nazarava, zajaviŭ pra špijonaŭ na pradpryjemstvach.
«Pahladzicie na svaich supracoŭnikaŭ na pradpryjemstvach. U mianie jość infarmacyja, što miarzotnikaŭ niekalki tam jašče dzie-nidzie zastałosia i jany staviać pierad saboj metu prainfarmavać kalektyŭny Zachad ab tym, jak Parchomčyk z Nazaravym sprabujuć abyści sankcyi. Špijoniać faktyčna i zdajuć infarmacyju tudy. Niekalkich my vyjavili. Siaduć, i nadoŭha. Heta ja ščyra kažu. Ale, tym nie mienš, my ich pavinny bačyć. Adzinki, ale jašče zastalisia. I heta nie prosta ludzi, jakija vykazvajuć svaju hramadzianskuju pazicyju. Heta ludzi, jakija śviadoma za hrošy śpiecsłužbaŭ Zachadu škodziać našaj ekanomicy, a roŭna — našaj dziaržavie», — skazaŭ jon
«Prychodzili pa artykule ab zdradzie dziaržavie». Što viadoma pra zavadčan, jakija zaraz u SIZA KDB
Łukašenka zajaviŭ pra špijonaŭ na pradpryjemstvach, jakija infarmujuć kalektyŭny Zachad pra sproby abyści sankcyi
Chapun na «Hrodna Azocie»: «Mahčymaści taho, što pryjduć pa mianie, nikoli nie vyklučaŭ»
