Trenier: Eryksen byŭ miortvy. U jaho spyniłasia serca
Paŭabaronca zbornaj Danii Kryścijan Eryksen pieražyŭ spynieńnie serca padčas matču Jeŭra-2020 suprać Finlandyi (0:1). Pra heta hałoŭny trenier nacyjanalnaj kamandy Kaśpier Julman zajaviŭ padčas pres-kanfierencyi, piša RBK.
«Eryksen byŭ miortvy. U jaho spyniłasia serca. Ja nie viedaju, jak nam udałosia vyratavać jaho, heta adbyłosia vielmi chutka. Nie mahu rastłumačyć pryčynu taho, što adbyłosia, my nie viedajem, što adkazać», — skazaŭ Julman
Akramia hetaha, Julman adznačyŭ, što ličyć pamyłkovym rašeńnie praciahnuć matč suprać Finlandyi. «Hulcy nie viedali, što zdaryłasia, mahčyma, jany stracili svajho najlepšaha siabra. Mnie zdajecca, nam nie varta było hulać, ale pryniać rašeńnie było ciažka. Mahčyma, nam varta było sieści ŭ aŭtobus i pakinuć stadyjon».
Jon adznačyŭ, što Eryksen zaklikaŭ partnioraŭ pa kamandzie praciahnuć hulniu. «Kryścijan skazaŭ, što chacieŭ, kab my hulali dalej. Było pryjemna bačyć uśmiešku na jaho tvary. Budziem hulać dziela jaho», — adznačyŭ Julman.
Pa słovach hałoŭnaha doktara zbornaj Danii Mortena Boesiena, hulca abśledujuć u balnicy, kab zrazumieć, z-za čaho adbyłosia spynieńnie serca.
Kryścijan Eryksen straciŭ prytomnaść padčas matču Jeŭra-2020: miedyki na poli praviali reanimacyju
