«Samyja byccam by prasunutyja, bahacieńkija — dzie jany apynulisia?» Łukašenka vykazaŭsia pra ajcišnikaŭ
Alaksandr Łukašenka znoŭ niehatyŭna vykazaŭsia pra PVT i pryvatnych pradprymalnikaŭ — hetym razam na naradzie pa źmienach u Hramadzianski kodeks.
«My stvarali IT-park: «Ach, treba, ach, dobra!» — skazaŭ jon. — Tak, jon adyhraŭ svaju rolu. My vielmi ŭdziačnyja ŭsim tym, chto pracavaŭ i pracuje ŭ IT-parku. My zmahli, adšturchnuŭšysia ad ich, siońnia mieć ajcišnikaŭ pa ŭsioj krainie: jany ŭžo i na vytvorčaści, i ŭ Ministerstvie abarony, i ŭ Akademii navuk i hetak dalej».
«Ale my mnohija pracesy tam vypuścili. I što atrymali: samyja byccam by prasunutyja, samyja bahacieńkija i zabiaśpiečanyja — dzie jany apynulisia?
Druhi prykład — indyvidualnyja pradprymalniki. Były ŭrad tut biehaŭ, kryčali «Aj-aj-aj» i «Oj-oj-oj». I što my atrymali? Heta nam uroki».
