Da Dzianisa Dudzinskaha pryjšli siłaviki
Da Dzianisa Dudzinskaha pryjšli siłaviki, paviedamlaje «Anłajnier».
Sa słoŭ žycharoŭ doma, u padjezd uvajšli dvoje mužčyn u cyvilnym adzieńni. Paźniej, u pošukach paniatych, paviedamili: ź finansavaj milicyi, pryjšli dla praviadzieńnia niejkich dziejańniaŭ da Dudzinskaha.
Telefony samoha Dzianisa i jaho žonki pakul nie adkazvajuć.
Pavodle infarmacyi susiedziaŭ, pradstaŭniki pravaachoŭnych orhanaŭ ahladali kvateru ŭvažliva, piša Tut.by. Z taho, što viedajuć susiedzi, z kvatery zabrali noŭtbuk, telefony Dzianisa i Kaciaryny, a taksama papki z dakumientami.
«Dzianis spakojna kazaŭ, što ŭ ich usio vypłačana, jamu adkazali: «Pravierym», — pieradajuć ahulny sens taho dyjałohu susiedzi.
Z advakatam Dzianisu Dudzinskamu źviazacca nie dazvolili. Zatym, jak razumiejuć susiedzi, Dzianisa i Kaciarynu pavieźli na ich druhuju kvateru.
***
Viečaram Dzianis Dudzinski napisaŭ, što znachodzicca doma i što ŭ jaho ŭsio ok. Ale kanfiskavali techniku.