Mieksika abvinavaciła viadomyja modnyja brendy ŭ prysvajeńni kulturnaj spadčyny
Kampanija Zara apynułasia siarod brendaŭ pad uvahaj.
Jak śćviardžaje mieksikanski ŭrad, suśvietna viadomyja modnyja brendy Zara, Anthropologie i Patowl prysabiečyli mieksikanskuju kulturnuju spadčynu. Kampanii nibyta vykarystali ŭ svaim adzieńni tradycyjnyja arnamienty karennych plamion z paŭdniovaha zachadu štata Aachaka i pry hetym nie zapłacili plamionam naležnuju ŭznaharodu.
Ministerstva kultury Mieksiki nakiravała ŭ kožnuju z troch kampanij listy za podpisam kiraŭnicy viedamstva Alechandry Fraŭsta. U liście ad kampanij patrabujuć publičnych tłumačeńniaŭ nakont taho, na jakoj padstavie brendy «pryvatyzavali kalektyŭnuju ŭłasnaść», piša Guardian.
Apošnija hady šmat sprečak vyklikaje pytańnie prybytku, jaki modnyja dyzajniery atrymlivajuć ad zapazyčańnia detalaŭ narodnaha adzieńnia, kali pry hetym jany nie pryznajuć ich pachodžańnie abo spłočvajuć kulturnym mienšaściam tolki minimalnuju kampiensacyju.
Dla Mieksiki hetaje pytańnie asabliva važnaje. Užo sotni hadoŭ zachodnija brendy kapirujuć detali mieksikanskaha tradycyjnaha adzieńnia, časta stvoranyja biednymi plamionami. Ciapier jany pradajuć vyrablenaje takim čynam adzieńnie jak tavary ŭ styli bocha, i ŭ apošni čas hramadskaść źviarnuła na heta ŭvahu. Takija vypadki vyklikajuć publičnyja abvinavačvańni i abureńnie ŭ sacyjalnych sietkach.
