Miadźviedzieŭ: Rasija stamiłasia ad kanfrantacyi z Zachadam
Pra heta staršynia partyi «Adzinaja Rasija», namieśnik staršyni Rady biaśpieki RF Dźmitryj Miadźviedzieŭ zajaviŭ u intervju haziecie «Kommiersant'».
«Nie tolki asobnyja ludzi stamilisia ad kanfrantacyi. Ja vam bolš skažu: my ŭsie stamilisia ad kanfrantacyi. A kamu heta padabajecca? Nikomu heta nie padabajecca. I mnie heta nie padabajecca. Upeŭnieny, i prezidentu heta nie padabajecca, i inšym maim kaleham», — skazaŭ Miadźviedzieŭ.
Jon dadaŭ, što «śpiral kanfrantacyi» raskruciła nie Maskva. Na dumku Miadźviedzieva, Zachad moh «pavieści siabie značna tančej, razumniej». U pryvatnaści, u situacyi z dałučeńniem Kryma da Rasii zachodnija krainy mahli b zajavić «ab niejkich svaich zaniepakojenaściach», nie rujnujučy adnosiny z Maskvoj.
«Ale jany ž usio razburyli, spalili daščentu. Ja nie chaču skazać, što zaŭsiody va ŭsim vinavaty adzin bok <…>. Ale ŭ hetaj situacyi my dakładna nie byli inicyjatarami takoha kštałtu kanfrantacyjnaj śpirali», — adznačyŭ namieśnik staršyni Rady biaśpieki RF.
Pavodle jaho słoŭ, ciapier adnosiny Rasii i Zachadu horšyja, čym u časy chałodnaj vajny.
U paniadziełak, 31 maja, hienieralny sakratar NATA Jens Stołtenbierh zajaviŭ, što Paŭnočnaatłantyčny aljans choča palepšyć adnosiny z Rasijaj. Pavodle jaho słoŭ, adnosiny Maskvy i Zachadu ciažkija, adnak baki pavinny padtrymlivać dyjałoh.
Čytajcie taksama:
Kiraŭnik banka VTB pra situacyju z Ryanair: Da Rasii znoŭ mohuć pryčapicca, ale «ŭ nas niama ničoha antyamerykanskaha i nie było»
