Znajści
Ałharytmičny łacinski varyjant
09.04.2021 / 09:41RusŁacBieł

Z Namibii departavali biełarusku, asudžanuju ŭ svoj čas za machinacyi z palivam

Viktoryja Cunik, jakaja znachodzicca ŭ mižnarodnym vyšuku z 2009 hoda, dastaŭlena ŭ Minsk. Žančynu vydała Namibija, paviedamlaje Tut.by sa spasyłkaj na pres-słužbu Hienieralnaj prakuratury.

Fota Vadzima Zamiroŭskaha

Viktoryja Cunik u 2006 hodzie była pryznanaja vinavataj u słužbovych złačynstvach i lehalizacyi materyjalnych kaštoŭnaściaŭ, nabytych złačynnym šlacham, i asudžanaja da pazbaŭleńnia voli terminam na 5 hadoŭ 6 miesiacaŭ.

— Ad vykanańnia hetaha prysudu Cunik uchiliłasia, u suviazi z čym u studzieni 2009 hoda jana abvieščanaja ŭ mižnarodny vyšuk, — raspaviali ŭ Hienprakuratury.

Pavodle źviestak viedamstva, žančyna chavałasia ŭ roznych krainach Afryki, u tym liku Anhole i Namibii. Paśla ŭstanaŭleńnia miescaznachodžańnia Cunik na terytoryi vobłaści Zambiezi Namibii Hienprakuratura źviarnułasia z zapytam ab ekstradycyi jaje ŭ Biełaruś.

— Niahledziačy na karotkija terminy pieradačy Cunik, ustanoŭlenyja namibijskim bokam, składanaści z prapracoŭkaj maršrutu etapavańnia, abmiežavanaść času dla padrychtoŭki i pieravodu dadatkovych materyjałaŭ z metaj atrymańnia dazvołu na tranzitnuju pieravozku vydadzienaj asoby pa terytoryi niekalkich zamiežnych dziaržaŭ, asudžanaja ŭ supravadžeńni śpieckanvoju MUS Respubliki Biełaruś 30 sakavika dastaŭlena ŭ Minsk. Ciapier Cunik znachodzicca ŭ biełaruskaj pienitencyjarnaj ustanovie, — paviedamili va ŭstanovie.

Pradprymalnicu ź Viciebska Viktoryju Cunik u 2005 hodzie abvinavacili ŭ machinacyjach z palivam. Sud Čyhunačnaha rajona Viciebska prysudziŭ jaje da piaci z pałovaj hadoŭ pazbaŭleńnia voli z kanfiskacyjaj majomaści.

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930