Taćcianu Hacura-Javorskuju padazrajuć u «finansavańni biesparadkaŭ»
Joj pahražaje da troch hadoŭ źniavoleńnia.
Fota Human Constanta
Jak stała viadoma «Našaj Nivie», Taćcianu Hacura-Javorskuju padazrajuć pa č. 3 art. 293 KK — «Finansavańnie biesparadkaŭ».
Taćciana — maci čatyroch dziaciej i arhanizatarka šmatlikich kulturnych inicyjatyŭ, siarod jakich fiestyvali dakumientalnaha kino, hramadskaje abjadnańnie «Źviano» i niadaŭniaja vystava-trybjut miedykam, jakija zmahajucca z kavidam, «Mašyna dychaje, a ja — nie».
Ekspazicyja «Mašyna dychaje, a ja — nie» zapracavała ŭ prastory «Miesca» na Revalucyjnaj tolki 30 sakavika, a ŭžo 1 krasavika sanstancyja i MNS znajšli u placoŭki parušeńni, tamu vystavu pryjšłosia pieranieści ŭ anłajn. U noč z 5 na 6 krasavika kamanda sa škadavańniem zajaviła, što «vymušanaja spynić realizacyju prahramy prajekta «Mašyna dychaje, a ja — nie».
Vystava była pryśviečanaja biełaruskim miedykam i vyklikam, ź jakimi jany sutyknulisia za apošni hod: pandemijaj COVID-19 i palityzacyjaj sistemy achovy zdaroŭja. Aŭtary rabot, pradstaŭlenych na vystavie, — viadomyja fatohrafy i mastaki. Kuratary prajekta —płatforma SHKLO+, arhanizatary — hramadskaje abjadnańnie «Źviano».
