Pahladzicie, kolki biasstrašnych rybakoŭ sabrałasia ŭ rybnym miescy na Niomanie FOTAFAKT
Na lodzie la Hrodzienskaha porta 21 lutaha było šmatludna. Na nievialikim učastku Niomana sabrałasia kala sotni rybakoŭ. Haradziency ŭ sacyjalnych sietkach stali dzialicca zdymkami i videa niezvyčajnaj źjavy. Ich cikavić, jak lod vytrymlivaje stolki čałaviek.
Čytač Hrodna.life Andrej, sam rybak, raspaviadaje, što rybaki ŭ vialikaj kolkaści źbirajucca la porta ŭvieś apošni tydzień. Tudy zajšła ryba z raki, jakaja šukała spakojnaha miesca. Heta i pryciahnuła rybakoŭ.
«Spracoŭvaje efiekt natoŭpu i praha nažyvy. Bajacca mnohija, ale, mabyć, spadziajucca na šancavańnie. Lod pakul mocny. Ale pry takoj kolkaści achvotnych usio mahčyma», — raspavioŭ Hrodna.life Andrej.
Haradziency rybačać kala porta. Fota: Dźmitryj Vinčeŭski
Heta biaśpiečna?
Hłybinia ŭ tym miescy, dzie rybačać haradziency, — da dvuch mietraŭ. Taŭščynia lodu — kala 25 sm. Asnoŭnaja ryba, jakaja traplajecca haradziencam: akuń, płotka, podleščyk i vierchavodka.
Śpiecyjalisty Hrodzienskaha Asvoda adznačajuć, što vychodzić na lod možna, tolki kali jaho taŭščynia nie mienš za 7 santymietraŭ. Dla taho, kab vyjści kampanijaj, płast lodu pavinien być nie mienš za 15 santymietraŭ. Z pačatku hoda ŭ Biełarusi patanuli 4 čałavieki. Usie patanułyja — rybaki.
Čytajcie taksama:
U Hrodnie milicyja, MNS i Asvod likvidavali «rybnaje miesca» na Niomanie
