Znajści
Ałharytmičny łacinski varyjant
09.02.2021 / 18:47RusŁacBieł

Snajpiery, BTR, šmattysiačny mitynh apazicyi: jak prachodziŭ pieršy «Usiebiełaruski schod» + šmat archiŭnych FOTA

Atmaśfiera samaha pieršaha «Usiebiełaruskaha schodu» čymści nahadvaje sioletniuju, ale sa svaimi niuansami. I tady, i ciapier Łukašenka vyrašaje pravieści mierapryjemstva, kab raźviazać palityčny kryzis unutry krainy. U 1996 hodzie Łukašenku ŭdałosia vyjści pieramožcam, što budzie hetym razam?

Fota belarus.by.

Toj schod staŭ nastupstvam supraćstajańnia maładoha prezidenta Łukašenki z parłamientam. Faktyčna, Łukašenka vyrašaje iści na abvastreńnie i prapanoŭvaje zasiarodzić amal usiu ŭładu ŭ rukach prezidenta. Na «schodzie», jaki adbyvaŭsia 19-20 kastryčnika, jon ahučvaje dla šyrokaj aŭdytoryi (amal 5 tysiač hledačoŭ u zale, a taksama žyvyja tranślacyi na ŭsich telekanałach) svaje prapanovy pa źmienie ŭ Kanstytucyju. U listapadzie taho ž hoda hetyja źmieny byli padtrymanyja na refierendumie, jość mnostva faktaŭ «falsifikacyj» vynikaŭ užo tady.

Fota belarus.by.

Nazvać tuju palityčnuju situacyju spryjalnaj dla Łukašenki ciažka. Na jaho cisnuć z Zachadu, deputaty Viarchoŭnaha Savieta blizkija da taho, kab pačać praceduru impičmientu. 16 kastryčnika Łukašenka niečakana prylataje ŭ Maskvu, tady mała chto razumieŭ takija ruchi, ale vyhladaje, što lacieŭ jon dla taho, kab zaručycca padtrymkaj Jelcyna i Rasii.

Fota belarus.by.

Abjadnanaja apazicyja nie śpić u šapku. Napiaredadni, 18 kastryčnika, jana pravodzić Nacyjanalny kanhres «U abaronu Kanstytucyi», u hetym mierapryjemstvie ŭdzielničajuć usie, aproč kamunistaŭ. Placoŭku dla vystupaŭ apazicyi daje Pałac prafsajuzaŭ na Kastryčnickaj płoščy — ujavić sabie takoje siońnia niemahčyma. Łukašenkaŭcy ž źbirajucca ŭ Pałacy sportu na Niamizie.

Juryj Zacharanka, Hienadź Karpienka, Hienadź Buraŭkin. U prezidyumie Nacyjanalnaha kanhresa. Fota vytoki.net.

Arhanizatarami Kanhresa apazicyi byli namieśnik staršyni Viarchoŭnaha Savieta Hienadź Karpienka, a taksama były ministr unutranych spraŭ Juryj Zacharanka. U prezidyumie byli Stanisłaŭ Šuškievič, Hienadź Buraŭkin, Juryj Chadyka, Janka Bryl, Miečysłaŭ Hryb, Nił Hilevič i inšyja.

Historyk Mikoła Jermałovič i kalekcyjanier Anatol Bieły na Kanhresie. Fota vytoki.net.

Łahičnym praciaham Kanhresa stała šeście i mitynh apazicyi na nastupny dzień. Sabracca niazhodnym z Łukašenkam dali na płoščy Jakuba Kołasa, a potym kałona dajšła da Opiernaha teatra, kala jakoha adbyŭsia mitynh. Pryjšło kala 30 tysiač čałaviek. Uražvała, što ŭ toj čas tak pobač mahli prachodzić nastolki roznyja mierapryjemstvy.

Šmattysiačny mitynh la Opiernaha. Fota vytoki.net.

Usiebiełaruski schod achoŭvaŭsia pa poŭnaj prahramie, jašče ad samaha ranku pa tahačasnym praśpiekcie Skaryny (siońnia — Niezaležnaści) pajechali hruzavyja aŭto z AMAPam. Pałac sportu pa pierymietry byŭ uziaty aŭtamatčykami, poŭna AMAPa było ŭ Trajeckim pradmieści, snajpiery, sabaki. Pa skančeńni mitynha samyja haračyja hałovy pajšli bližej da aficyjnaj schodki, ale sprob praryvu tak nichto i nie rabiŭ. «Chałui!» — kryčali jany ŭdzielnikam «schodu».

Padychody da Pałaca sportu ačeplenyja milicyjaj i AMAPam. Fota Uładzimira Sapahova, vytoki.net.

Što tyčycca aficyjnaha mierapryjemstva, voś tak jaho apisvała ahienctva BiełTA: «Na schodzie z dakładam «Tolki narod maje prava vyrašać svoj los» vystupiŭ prezident Biełarusi. Adkryvajučy schod, Alaksandr Łukašenka skazaŭ: «Z chvalavańniem pačynaju svoj dakład na pieršym u historyi Usiebiełaruskim narodnym schodzie. My staim pierad vybaram: albo Biełaruś budzie zastavacca zakładnicaj u rukach palitykaŭ, što žadajuć revanšu za svaje paražeńni, albo ž my ŭstalujem naležny pravaparadak i nakirujem usie siły naroda na vyrašeńnie nieadkładnych prablem. Hetymi dniami vyrašajecca los nie prezidenta, nie instytuta prezidenctva, a los usiaho biełaruskaha naroda, budučynia našych dziaciej i ŭnukaŭ. U hetaj zale — paŭnamocnyja vybrańniki naroda, delehavanyja ŭsioj pracoŭnaj Biełaruśsiu. Mienavita vaša mierkavańnie budzie mieć vyznačalnaje značeńnie dla mianie pry pryniaćci najvažniejšych palityčnych rašeńniaŭ».

Fota belarus.by.

Cikava, što na toj momant jašče isnavaŭ adnosny pluralizm: suprać vynikovaj rezalucyi prahałasavali 11 udzielnikaŭ Schodu z 4700, a jašče 47 ustrymalisia! Kropla ŭ mory, ale ciapier niama i takich.

«Luby prosty hramadzianin, jaki pahladzieŭ pa telebačańni tak zvany «narodny schod», pavinien byŭ zrazumieć, što heta było patrebna dla zambavańnia nasielnictva, kab pierakanać narod pryniać Kanstytucyju dyktatury. Takim šlacham nasoŭvajecca dziaržaŭny pieravarot», — pisaŭ u haziecie «Svaboda» Hienadź Tarazievič.

Milicyja ačapiła ŭsiu Niamihu. Fota Uładzimira Sapahova, vytoki.net.

Staršynia Kanstytucyjnaha suda Valeryj Cichinia acaniŭ vystup Łukašenki jak «poŭny kanfrantacyi». «U prezidenckim prajekcie Kanstytucyi hniłaja sarcavina», — afarystyčna skazaŭ Cichinia.

Apazicyja namahańniami Anatola Labiedźki i Miečysłava Hryba terminova sprabavała ŭnieści praŭki ŭ Kanstytucyju, kab nie było patreby ŭ refierendumie, adnak toj usio ž adbyŭsia pry kancy listapada 1996 hoda. I heta byŭ adnym ź pieršych masavych pahromaŭ svabody i demakratyi ŭ Biełarusi, umacavańnie aŭtarytarnaha režymu Łukašenki.

Fota belarus.by.

Źmicier Pankaviec

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031