«Učora sustrakalisia z pasłom». Žychary Viciebska, jakija prosiać prytułku ŭ Šviecyi, praviali vychodnyja ŭ pasolstvie
Fota Volhi Šukajła, TUT.by
Vital i Uładzisłaŭ Kuźniečyki ź Viciebska, jakija ŭ piatnicu pieraskočyli praz płot šviedskaj ambasady, kab paprasić palityčnaha prytułku, vychodnyja praviali na terytoryi ambasady. Učora, raspavioŭ TUT.BY Vital, jany sustrakalisia z pasłom.
Nahadajem, u piatnicu žychary Viciebska Vital (47 hadoŭ) i Uładzisłaŭ (29 hadoŭ) Kuźniečyki prybyli da pasolstva Šviecyi ŭ Minsku, kab paprasić palityčnaha prytułku. Kali dźviery im nie adčynili, spasłaŭšysia na toje, što ŭ ambasadzie nie dajuć palityčnaha prytułku, baćka i syn pieraskočyli praz płot. Z taho momantu mužčyny znachodziacca na terytoryi ambasady ŭ čakańni vyrašeńnia ich situacyi.
— U nas usio narmalna, my ŭsio jašče ŭ pasolstvie, — u paniadziełak ranicaj raspavioŭ Vital Kuźniečyk. — My zabiaśpiečany ježaj, spalnyja miescy ŭ nas taksama jość. Učora my sustrakalisia z pasłom, jana skazała, što siońnia buduć vyrašać našaje pytańnie.
— Pasoł nie kazała, jak jana moža vyrašycca?
— Pakul niezrazumieła, usio budzie zaležać ad siońniašnich pieramoŭ.
Pa słovach Vitala, jany na suviazi z rodnymi. U blizkich usio dobra.
— Da siamji pryjazdžała milicyja, pytalisia pra nas, — paviedamiŭ surazmoŭca. — Z susiedziami taksama byli znosiny.
Milicyjanty raspylajuć haz na Vitala Kuźniečyka 6 vieraśnia ŭ Viciebsku. Fota: Aleś Pilecki, TUT.BY
Raniej Vital i Uładzisłaŭ raspaviali, što 6 vieraśnia ŭ Viciebsku ŭdzielničali ŭ akcyi pratestu, udzielnikaŭ jakoj žorstka zatrymlivali supracoŭniki pravaachoŭnych orhanaŭ. Kuźniečykam udałosia paźbiehnuć zatrymańnia, ale z tych časoŭ jany chavalisia. «My syšli, ale razumieli, što moža być pieraśled, — kazaŭ Uładzisłaŭ. — Usio — my svaju siamju nie bačyli, telefony adrazu vyklučyli i zastalisia ŭ znajomych».