U haradach ZŠA ŭspychnuli biesparadki paśla śmierci afraamierykanca
NY Post
U mnohich bujnych haradach Złučanych Štataŭ pačalisia biesparadki z-za śmierci afraamierykanca Džordža Fłojda ŭ Minieapalisie (štat Miniesota) paśla žorstkaha zatrymańnia palicyjantami. Pra heta piša Associated Press.
Pratesty ŭ Fieniksie (Aryzona), Denviery (Kałarada), Łas-Viehasie (Nievada), Łos-Andželesie (Kalifornija), Atłancie (Džordžyja), Chjustanie (Techas) pačalisia ź mirnych demanstracyj. Tysiačy čałaviek nieśli šyldy z nadpisam «Jon skazaŭ, što nie moža dychać. Pravasudździe dla Džordža».
U Atłancie mirnyja pratesty praciahvalisia niekalki hadzin, a zatym ŭdzielniki akcyj pačali raźbivać palicejskija mašyny, padpalili adnu ź ich, uvarvalisia ŭ miascovy filijał telekanała CNN i restaran. Prynamsi, troje palicejskich atrymali ranieńni, kali demanstranty kidali ŭ ich kamiani i butelki.
U Ńju-Jorku pratestoŭcy sabralisia pierad spartyŭnaj arenaj «Barkłajs-Centr» u rajonie Bruklin. U niejki momant natoŭp pačaŭ nastupać na palicejskija kardony, sprabujučy prarvać ich.
Pierad municypalitetam Chjustana, dzie vyras zahinuły Fłojd, sabrałasia niekalki tysiač čałaviek. Tam palicyja zatrymała žančynu ź vintoŭkaj, jakuju jana sprabavała vykarystać dla pravakacyj natoŭpu.
Džordž Fłojd pamior u balnicy Minieapalisa 25 maja paśla taho, jak padčas zatrymańnia palicejski nacisnuŭ jamu kalenam na horła. Vartavyja paradku padazravali jaho ŭ vykarystańni falšyvych dakumientaŭ. Paśla śmierci ciemnaskuraha mužčyny ŭ Miniesocie pačalisia akcyi pratestu i biesparadki.